JONNII KARYII KABI RASAM JUKAMATI 17:6 - KARANU KABI SAMTAM

⁶ “Sazyii pouryiito nangnii gudakii pyiikabam meihang dateikii Inii go zei tei tam mangou takle, ahnyii tei- nii gomahle ninado nangnii ahnyiigo gudakii pyiile sateichii ahnyiinii gosam swiwo takle.

JONNII KARYII KABI RASAM JUKAMATI 17:6 Referans Kwoze

JONNII KARYII KABI RASAM JUKAMATI 17:26

Nangnii n-gu lungsyii katu mah lungkasyii tei ahnyii dato leimatu tang karam jangpii sateichii Inii ahnyii dato leimatu tang karam jangpii, Inii ahnyii dakii go zei tei tam matitakle, sateichii teitei Inii tam mati tangle.”

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

JONNII KARYII KABI RASAM JUKAMATI 15:19

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.

MATIMANGOU KAPYII 3:8

Nangnii tiikalei tei Inii tile, julo, mei kaniido takampei wokalak laat kabam takam hangninii Inii godoikii kaibam takle, katunii, gomah teimaham chengniikii leile sateichii nangnii gusam swile sateichii guzeigo mazhii kasu tiimakle.

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

JONNII KARYII KABI RASAM JUKAMATI 15:7

Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

HEBRUMEI 2:12

mpounii Saraa dakii tamle, “Inii gomah zei tei gukangsanamei dakii saa mpat tangle, meimoi ndwi kalei sum teito Inii n-go tam matoi tangle.”

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

ROMMEI 11:2

Saraanii ndouto reipii tikalu mpoumah meigo rat toipyii makle. Ilaijah mah kaang kito kabi rasam teinii kadapei tampo katu gonyiinii timakde? Katunii mpounii Saraa dato Isrelmei pyiiryiikii khangle.

TIILAMLWI KAPYIIMEI THA JUKAMATI 13:48

Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

JONNII KARYII KABI RASAM JUKAMATI 18:9

“Nangnii gudakii pyii kabam ahnyii kak kito Inii mei kagodo maga makle.” sii mpounii tam kabam samtei gong matwi matutang karam jangpiiniile.

JONNII KARYII KABI RASAM JUKAMATI 17:16

Inii sazyii pouryii mah kasu takumpii, ahnyiido sazyii pouryii mah makle.

JONNII KARYII KABI RASAM JUKAMATI 17:14

Inii gosam tei ahnyii dakii pyiitakle sateichii sazyii pouryiinii ahnyiigo ngourou takle. Kadapokii Inii sazyii pouryii mah kasu takumpii, ahnyiido sazyii pou- ryii mah makle.

JONNII KARYII KABI RASAM JUKAMATI 15:3

Inii gonyiigo ralikapyii teipiinii gonyiigo tiimateipyii aitakle.

JONNII KARYII KABI RASAM JUKAMATI 12:28

Pfii-o, go zei dimatulo.” Teito sating gamto rok hangninii gong takle, “Inii teitei pumtei kava tiido tiimadi takle, sateichii teitei tiido tiimadiloi tangle.”

JONNII KARYII KABI RASAM JUKAMATI 6:39

Sateichii n-gu lang kamagong ahmah kamaning kamazhii tei aile, ahnii gudakii pyii kabam hang kiteito Inii mah hangninii kado ma- gasupii, kalui piinei leimik ahnyiigo ringkhii matu tang karam teile.

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

1 PITAR 1:1

Jisu Kristamah tiilamlwi kapyii- mei hangninii tiisii kalei Pitar dato– Pontas, Galati, Kepadosi, Asia, ninado Betani bamlyii hang kito sapumnah tiisii marou maruksii lungkalei Saraanii kalai kalumei hang dakii:

JONNII KARYII KABI RASAM JUKAMATI 8:51

Kasang kasangpii Inii gonyii dakii tam leile, mei kata hangninanii gusam swisii leileponii, katai tei ahnii ngousang ngoulakle.”

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

JONNII KARYII KABI RASAM JUKAMATI 17:7

Nangnii gudakii kapyii hangtei godatole katu aitoinii ahnyiinii titakle;

JONNII KARYII KABI RASAM JUKAMATI 17:12

Inii ahnyiigo kaswisii bam kalei tinglang kak, nangnii gudakii pyii kabam ahnyii gotei gozei kito Inii koipyiitakle; sateichii Inii ahnyiigo dengpyiile ninado kabi rasam kito tam kabam tei gong matwi matutang karam jangpii, maga tang karam mah nah sapfiimei tei supiinii, ahnyii mei hangninii kagodo maga makle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.