JONNII KARYII KABI RASAM JUKAMATI 17:24 - KARANU KABI SAMTAM

²⁴ “He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

JONNII KARYII KABI RASAM JUKAMATI 17:24 Referans Kwoze

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

JONNII KARYII KABI RASAM JUKAMATI 14:3

Inii mang- sanii gonyii jangpii tiikada leponii, Inii kalei niteito gonyiido leimatu tang karam jangpii, Inii nlaigongsii gonyiigo gudakii pang gong kai- tangle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

2 KORENMEI 3:18

Sateichii nyiihang ai jusong supiinii Saraamah pumtei kava gotei jusii, mpoumah njoi kikii pumtei kava hangninii kito hangninii kikii tiikalikai aitakle, kadapokii rangii tiisii kalei Bangpii dato ai ai gongle.

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

1 THESOLONIKAMEI 4:17

teito teiki ting- langki ringsii kalei nyii aigo ahnyiigo kaswisii Bangpiigo kadoutang karam jangpii kamong kito sating gam pangkhii pyii tangle, sateichii aitiisii nyiinii tinglang kaleita Bangpiigo ka- swisii bamtangle.

LUKNII KARYII KABI RASAM JUKAMATI 12:37

Apumpiinii nlai kagong tinglang kak kikaleimei mik raksii ninado tiidasii kalei dou kalumei tei doibile. Inii gonyii dakii kasangpii tam leile, mpounii peijou loktoi takpokii, chiitang karam jangpii ahnyiigo mbam siinii mpounii patsii ahnyiigo nga ngapyii tangle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

1 KORENMEI 13:12

Kadaponii aitoi nyiinii ngoukalei ainii skhiibung kito myii mararyii ryiisii ngou kalei khiina hangninii takumle; nlenii atainii jukarapii kadou tangle. Aitoi Inii kati ainii timashang womakle, nlenii atainii (Saraanii n-gu tikamashang takumpii) Iniido mashangsii titang- le.

METIU 26:29

Gu pfii mah sagong sazyii kito Inii gonyiigo kaswisii kasatai sak njoi tang karam leimik gong kasuta katang tei, ai darkha haam mah riiti ki aito Inii sakloilak takle.”

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

PILIPIMEI 1:23

Inii tiilung aikito tat maju wosii Kristago kaswisii bamtunyii takle, kadapokii teiteinii bisang bibwile, tei hang- namah kak kiteito n-gu biitnai bamsii leitakle;

2 KORENMEI 5:8

Nyiinii lung disii bamle, sateichii nyii pum kito thamsii bam tang karam sateichii Bangpiigo kaswisii bam tang karam tei nyiinii mareisang mareibwile.

LUKNII KARYII KABI RASAM JUKAMATI 23:43

Teito Jisunii mpou dakii tamle, “Kasangpii Inii n-go tam leile, tingnei nangnii n-gu kaswisii kasaga bamki bam tangle.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

MATIMANGOU KAPYII 21:22

Sateichii namdi lung teikii Inii Saraa kamaningki tei ngoumakle, kadapokii Bangpii Saraa kadi kathang ninado jaonah teinii teimah Saraa kamaningki teile.

METIU 25:23

Mpou mah Pumpii teinii mpou dakii tamle, ‘hangkapii bitakle, Kabi ninado malum kabui kikaleipii, nangnii mah kacheng phyiiryiito malum kabui tha tiikabam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

JONNII KARYII KABI RASAM JUKAMATI 6:39

Sateichii n-gu lang kamagong ahmah kamaning kamazhii tei aile, ahnii gudakii pyii kabam hang kiteito Inii mah hangninii kado ma- gasupii, kalui piinei leimik ahnyiigo ringkhii matu tang karam teile.

JONNII KARYII KABI RASAM JUKAMATI 8:58

Jisunii ahnyii dakii tamle, “Kasang kasangpii Inii gonyii dakii tam leile, Abraham go lung kasuniito I-leile.”

JONNII KARYII KABI RASAM JUKAMATI 15:9

Pfiinii n-gu lungkasyii takumpii, Inii gonyiigo lungsyiile; gonyiinii gumah lungkasyii kito taksupii leilo.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JONNII KARYII KABI RASAM JUKAMATI 17:22

Nyiinii hangninii katu ta- kumpii, ahnyiiniido hangninii tiimatu tang karam jangpii, nangnii gudakii pyiikabam pumtei kava tei Inii ahnyii dakii pyiitakle;

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.