JONNII KARYII KABI RASAM JUKAMATI 17:11 - KARANU KABI SAMTAM

¹¹ Sateichii Inii sazyii pouryiito bamlak takle, nlenii ahnyiinii sazyii pouryiito leile sateichii Inii goda gongleile, kamatei Pfii, nyiinii hangninii katu takumpii ahnyiinii hangninii tiimatu tang karam jangpii, nangnii gudakii pyiikabam ahnyii aigo gozei kito koipyiilo.

JONNII KARYII KABI RASAM JUKAMATI 17:11 Referans Kwoze

METIU 6:9

“Teipiinii gonyiinii aitiisii riitalo: ‘Sating gamto kalei nyii Pfii, Go zei kamatei tei matulo;

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

PILIPIMEI 2:9

Teijangpii Saraaniido mpougo sagoisii tam matoi pyiisii, zei hang phyiiryiito kasat zei tei mpou dakii pyiitakle,

JONNII KARYII KABI RASAM JUKAMATI 17:25

Oh kasang kamajyii pfii, sazyii pouryii- nanii n-go timakle, nlenii Inanii n-go titakle; sateichii nangnii n-gu lang magongle katu tei ahnyiinii titakle.

JONNII KARYII KABI RASAM JUKAMATI 13:1

Aitoinii kaakamaju mah takbai doi tei, Jisunii sazyii pouryii ai toisii tat tutang karam tinglang tei gongtakle katu titakle. Sazyii pouryiito kalei mpoumah sek katu meihang gotei sating kata mpounii lungsyiile sateichii mpounii ahnyiigo nlai katang tei lungsyiile.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

JONNII KARYII KABI RASAM JUKAMATI 14:20

Teipiinei leimik tei gongsekchii, Inii gonyii dato kalei takumpii, Inii Pfii dato leile sateichii gonyiinii gudato leile katu tei gonyiinii tigong tangle.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

MATIMANGOU KAPYII 4:8

Sateichii karing kounah madai tei kashii sarukruk pungle, sateichii lungdo poudo mikpiinii tokryiile; sateichii ahnyii teinii tinghum tingna ntak supii lhii tiile: “Kamatei, kamatei, kamatei, ndoushang, tingneishang ninado gongtang karam Ah ai Bangpii Saraa kadi teile!”

1 PITAR 1:5

Keikapyii karing tiilung jangpii kalui ting- langki mangou tang karam jangpii tiida kabam, kamalum kito Saraa- mah teimahampii bisii kaidek kabam hangtei gonyii jangpiiniile.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

1 KORENMEI 1:10

He kangsanamei, gonyii hang- ninanii hangniniigo mazhiisii bamle, sateichii gonyii kak kito njairiit-riit katu tei galo, nlenii njoi katu kamaning lungswi ninado njoikatu tiitang karam kaang kiteito gonyii- hang kangkii tiisii njalosii, nyii Bangpii Jisu Krista zei kito Inii gonyii dato khang leile.

ROMMEI 12:5

teitakumpii nyii ai mei amoikado nyiihang Krista dato apum hangniniile, sateichii apum mah njai hangteinii apum kikii poi kamathok kabam takumpii nyiihangdo hang- ninanii hangninii dakii poi kamathok bamtakle.

ROMMEI 9:17

Ka- daponii kabi rasamnii Pharo dakii tamle, “Inii n-go gumah teimaham mangou matu tang karam jangpii sateichii guzei ai sazyii pouryii hang kikii tamroi matu tang karam jangpii aisek jangpii Inii n-go poi matupyii takle.”

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 7:33

Teito Jisunii tamle, “Nlailoisii tinglang shangniikii Inii gonyiigo ka- swisii bamsanii, n-gu lang kamagong ahmah bam kitei Inii tat tutangle.

METIU 10:16

“Julo, Inii gonyiigo Sanyii kak kikii Jaonah takumpii lang mpat leile. Teijangpii gonyiinii Sanhii takumpii sakailo, sateichii mahou takumpiinii lung manoilo.

METIU 5:48

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

MATIMANGOU KAPYII 19:12

Ahmah mik teinii mi mishong takumle, sateichii ahphyii gamkii sagong phyiihung hangtei leile. Sateichii ahnii supii mei kakimei hangninii kaniido tikasu ryiikabam zei hangninii leile.

MATIMANGOU KAPYII 15:4

Bangpii tanii gozeigo hinglakpo? Gomah katei kamaham tei tanii tam mpat lakpo? Nang roiniile kamatei, Lui hangnii gongsii n-go mata tangle; dapodinchii gomah kasang kamajyii tha hangtei meihangnii ngoutakle.”

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–

1 JON 3:12

Nyiinii Ken takum lak tang karamle; mpounii sara kashyii tai tei swisii mpou sanapii Abel go gitat aitakle. Kennii mpougo dajangpii gitat aipo? Dajangpiipo dinchii mpounii katii hangtei kamale, nlenii mpou sanapiinii katii hangtei kasangle.

JONNII KARYII KABI RASAM JUKAMATI 17:6

“Sazyii pouryiito nangnii gudakii pyiikabam meihang dateikii Inii go zei tei tam mangou takle, ahnyii tei- nii gomahle ninado nangnii ahnyiigo gudakii pyiile sateichii ahnyiinii gosam swiwo takle.

JONNII KARYII KABI RASAM JUKAMATI 17:23

Inii ahnyii dato sateichii nangnii gudato kalei teipii ahnyiinii sajek gasii hangninii tiimatutang karam jangpiile; katunii nangnii n-gu lang magongle sateichii nangnii n-gu lungkasyii takumpiinii nangnii ahnyiigo lungsyii takle katu tei sazyii pouryiinii timatu tang karam jangpiiniile.