JONNII KARYII KABI RASAM JUKAMATI 16:33 - KARANU KABI SAMTAM

³³ Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

JONNII KARYII KABI RASAM JUKAMATI 16:33 Referans Kwoze

JONNII KARYII KABI RASAM JUKAMATI 14:27

“Kamajung ai Inii gonyii dakii kaidek leile, ai ai Inii gonyii dakii pyiikalei, gumah kamajung teisekle. Sazyii pouryiinii pyii kalei takumpii Inii gonyii dakii pyiimakle. Gonyii lungnaangsii lungnyii lunghao sulo, hingsulo.

1 JON 5:4

Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile.

2 THESOLONIKAMEI 3:16

Aitoinii kamajung mah Bang- piinii gonyiigo tinglang kaleita pwidi hang kito kamajung tei gonyiigo pyii matulo. Bangpiinii gonyii hang go kaswipyii matulo.

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

PILIPIMEI 4:7

Sateichii meinahnii tipei kalak Saraa mah kamajung teinii Krista Jisu njasii hangninii tiikalu kito gonyii swi gonyii lung hangtei koipyii tangle.

1 PITAR 5:9

Gonyii kamalum kito sangtingsii ahgo saryii tiilo, kadapokii teigo njoi katu tei kakum kamage kalak kapung hangtei sazyii pouryii kalei gonyiigo njoi katu kamalum mei datodo pat takle katu gonyiinii tilo.

JONNII KARYII KABI RASAM JUKAMATI 14:1

“Gonyii lung lungnyii lunghao sulo; Saraago malumlo, n-gudo malumlo.

2 TIMOTHI 3:12

Krista Jisu dato Saraa kamaning tiilung lung kanyiimei hang gotei kaset kalak pyiisii tiikamage tangle,

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

HEBRUMEI 11:25

teitungpii tinglang shangniikii jangpii kem mah kasamou kadou sungnii, Saraamah meihang go kaswisii kamage kalak dou njoitang karam tei mpounii kalai wotakle.

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.

1 THESOLONIKAMEI 3:7

aijangpii kangsana- mei, gonyiimah kaang kito nyiimah swi kamage katu sateichii kaset kalak hangtei gonyiimah kamalum paikito nyiigo tii ntapyii takle,

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

KOLOSIMEI 1:20

sateichii mpoumah krosh mah zai teipii tiimajung pyiisii, sazyii pouryiito kado, sating gamto kado, kalei mahlyiihang tei mpou dato, mpou paito pang gong njaloi matutang karam jangpii Saraanii sat totakle.

2 KORENMEI 1:3

Nyii Bangpii Jisu Krista mah Saraado, Apfiido tiisii kalei, lungsyii kati mah Apfii sateichii tiikaha hang kapyii Saraa, Ah gotei tam matoile!

2 KORENMEI 13:11

Sateichii aitoinii gukangsanamei, bisii bamlo! Bimatui bimasang kabui tiilo! Inii khangkalei hangtei shiilo; hangninanii hangniniigo kaning bisii, majung makungsii lunglo; teitii leponii, lungkasyii ninado kamajung kamakung mah Saraa teinii gonyiigo kaswipyii tangle.

1 THESOLONIKAMEI 3:4

Kadapokii gonyiinii tisii kalei, sateichii teitei pat kalei takumpii, nyiinii gonyiigo kaswisii kalei tinglang kak, nyiinii kaset kalak tei dou tang karamle katu tei pat kasunakii reipii gonyiigo nyiinii tam takle.

GALATIMEI 6:14

Sazyii pouryiinii gudakii sateichii Inii sazyii pouryii dakii krosh kito taikapyii, nyii Bangpii Jisu Kris- tamah kaang kito supiinii detkadi tei gudato dhii matulo.

2 KORENMEI 7:4

Gonyii dakii kamalum tei Inii bamle, gonyii jangpii Inii detkadi hangkapii leile, Inii kasamoupiinii tokryiile, nyiimah kamage kalak hangtei njasii Inii nta beidi takle.

TIILAMLWI KAPYIIMEI THA JUKAMATI 27:25

Teijangpiinii kangsanamei, swi kamage sulo, kadaponii gudakii tam kabam takumpiinii pat tanglesii Inii Saraago malumle.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

TIILAMLWI KAPYIIMEI THA JUKAMATI 9:31

Teitinglang kak Judiya, Galili ninado Samariya hangki rangii kamatei paito charsh hang go tiimakhii pyiisanii kamajung tei dou wole; sateichii Bangpii go sadzyii ngariit katii kito ninado rangii kamatei mah jumage kapyii kito meilui moibuibui pat tutakle.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

LUKNII KARYII KABI RASAM JUKAMATI 2:14

“Sagoi kaki kiteito Saraago toilo, sateichii Sazyii pouryiito bangpiinii lungkasyii meihang teinii kamajung tei doulo!”

TIILAMLWI KAPYIIMEI THA JUKAMATI 27:22

Nlenii aitoinii Inii gonyiigo lung tiimage lak tang karam jangpii tam katwi leile; kadaponii malyii tei supiinii, gonyii kak kito mei hangninii kado tailakle.

LUKNII KARYII KABI RASAM JUKAMATI 19:38

“Bangpii zei kito gong kalei sagong tei doibile! sating gamto kamajung teilo, sateichii sagoi kaki pumtei kava teilo!”

TIILAMLWI KAPYIIMEI THA JUKAMATI 23:11

Sateichii adoipiinei tinghum tei Bangpiinii kuto satsii mpou dakii tamle, “Lung dilo, kadapokii nangnii Jerosalem kito, gumah kaang kito sakchyii kapyii takumpiinii Rom kitodo nangnii tei takumpii sakchyii pyiitang karam takle.”

HEBRUMEI 7:2

sateichii Abrahamnii mahlyii hangmah njai kearii kito njai hangninii mpougo pyiitakle. Melki- zedek zei mah kaang karei ainii “Kasang kamajyii mah sagong” sateichii mpou ai Salem mah sagong katu taiswisii mpou ai “Kamajung mah sagong” teitiile.

JONNII KARYII KABI RASAM JUKAMATI 16:11

sateichii samtak katii mah kaang kito, sazyii pouryii aimah apum katiipii gotei samtak tii aitakle.

METIU 9:2

Sateichii julo, pumpei taisii kalei mei hangniniigo ahnyiinii zyiigamkii kai wosii mpouda poigong takle; sateichii Jisunii ahnyiimah kamalum tei ngou wosii, pumpei taisii kaleipii dateikii tamle, “Gunah Sapfii mpou nta tulo; gokem hangtei kaleipyii takle.”

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

2 KORENMEI 4:7

Nlenii kaki dikaki pumtei tei nyii dato supiinii, Saraa dato leile katu tei mangou tang karam jangpii rangiimah mai kating ai kabam mei doukalu nyiihang ainii rangrhiili takumle.

2 KORENMEI 6:4

Nlenii kamage, kalak kanhii ninado sadoi kashyii hang kito, leh kati teipii, nyiinii katii kapung hang kito nyii ai Saraa nga kangameile katu tei nyiinii ma- ngoule.

1 JON 2:13

Apfiimei, Inii gonyii dakii ryiileile, dapodinchii saroisekto kalei mpougo gonyiinii tile, karanumei, Inii gonyii dakii ryii leile, dapodinchii gonyiinii kashyii gotei ngam wotakle. Nahmei, Inii gonyii dakii ryii leile, dapodinchii gonyiinii Pfiigo tile.