JONNII KARYII KABI RASAM JUKAMATI 16:32 - KARANU KABI SAMTAM

³² Julo, gonyii meihang mpou mpou kito marou maruksii, n-gu roinii toimareidek tang karam tinglang tei gonglei takle, nle, kasangpii teitei gong takle. Teitii kido Inii I-roinii makle, Kadapokii Pfiinii n-gu kaswi leile.

JONNII KARYII KABI RASAM JUKAMATI 16:32 Referans Kwoze

METIU 26:31

Teito Jisunii ahnyii dakii tamle, “Tingnei tinghum sek-kii gonyii hangnii n-gu toisii pakga tangle, kadapokii aitiisii ryiibamle, ‘Inii Jaokakoipii gotei girang aitangle, sateichii jaokoi mah Jao hang tei pak marou maruk tutangle,’

JONNII KARYII KABI RASAM JUKAMATI 8:29

N-gu lang kamagong ahteinii n-gu kaswipyiisii leile, mpounii n-gu toipyii makle. Kadapokii mpounii kamarei kasat tha tei Inii taksupii tiile.”

JONNII KARYII KABI RASAM JUKAMATI 8:16

Nlenii Inii samtak tiile- ponii, gumah samtak katii teinii kasangle. Kadapokii Inii I-roinii makle, nlenii I-nei n-gu lang kama- gong ahgo kaswi leile.

MARK 14:27

Jisunii ahnyiida tamle, “Gonyii- hang n-gu toisii pakga tangle, dapokii kabi rasam kikii ryiibam takle, ‘Saraanii jaokakoipii gotei gi aitangle, sateichii Jaonah hangtei marou maruk tutangle.’

METIU 26:56

Nlenii Lungkakaling- meinii kabi rasam hang kikii ryii- kabam tei gongsang matutang karam jangpii aihang ai pat takle.” Teito boumeihang teinii mpougo toisii pakga takle.

JONNII KARYII KABI RASAM JUKAMATI 20:10

Teito boumei teinii ahnyii mah kilam pang nlaitu takle.

JONNII KARYII KABI RASAM JUKAMATI 16:25

“Aihang ai nda tiisii Inii gonyii dakii tam takle; gonyii dakii nda tiisii tamloi supiinii Pfii mah kaang kito madupii Inii gonyii dakii tam tang karam tinglang tei gonglei takle.

JONNII KARYII KABI RASAM JUKAMATI 16:2

Ahnyiinii Jehudimei mah ndwini teito gonyiigo paktoi tangle, sateichii gonyiigo kagimei kata hangninanii tiikalei aipii mpounii Saraago nga ngalei lesii maning tang karam tinglang tei gong leitakle.

JONNII KARYII KABI RASAM JUKAMATI 4:23

Nlenii kasang kamatamei hangnii Pfii gotei rangii kito sateichii kasang kito mata tang karam tinglang tei gonglei takle ninado aitoi aile, kadapokii tei kakum tei mpougo mata tang karam jangpii Pfiinii fiisii leile.

JONNII KARYII KABI RASAM JUKAMATI 4:21

Jisunii mpoupei dakii tamle, “Sapwi mpei n-gu malumlo, Pfii gotei zang ai gamto ninado Jerosalem kitodo gonyiinii matalak tang karam tinglang tei gongtangle.

JONNII KARYII KABI RASAM JUKAMATI 12:23

Jisunii mpoupiinago khekalatle, “Meinah sapfii mpou teinii pumtei kava kadi doutang karam tinglang tei gongtakle.

JONNII KARYII KABI RASAM JUKAMATI 5:28

Aito sung kaga tiisulo; daponii tinglang tei gonglei takle, tei tinglang kak roubam kang kabam hangnii mpoulat tei shii wosii

JONNII KARYII KABI RASAM JUKAMATI 5:25

Inii gonyii dakii kasangpiinii tam leile, kataimeinii Saraa nah sapfii mpou mah rok shiitang karam tinglang tei gonglei takle–tinglangtei gongtakle, sateichii roktei shiikalu meihangnii ringtangle.

MARK 14:50

Teito ahnyii hangnii Jisugo rat toisii pakga takle.

TIILAMLWI KAPYIIMEI THA JUKAMATI 8:1

Sateichii mpougo kagi tei Solnii ahnyiigo kaswisii mazhiitakle.

JONNII KARYII KABI RASAM JUKAMATI 16:31

Jisunii ahnyiigo khekalatle, “Aitoinii gonyii malum takpo?

JONNII KARYII KABI RASAM JUKAMATI 19:27

Teito mpounii mpou boumei dateikii tamle, “Julo, gopwi go!” sateichii teitinglang sekpii boumei teinii mpoupeigo mpou kikii pang gongkai wotakle.

TIILAMLWI KAPYIIMEI THA JUKAMATI 21:6

Sateichii nyiinii malyii gam tong wotakle sateichii ahnyiinii kilampang nlaitu takle.