JONNII KARYII KABI RASAM JUKAMATI 16:22 - KARANU KABI SAMTAM

²² Tei takumpiinii aitoi gonyiido lung kamage leile; nlenii Inii gonyiigo ngouloi tangle sateichii gonyii lung nta tangle, ninado gonyii mah ka-nta tei mei kaniido gonyii dato poitoi lakle.

JONNII KARYII KABI RASAM JUKAMATI 16:22 Referans Kwoze

1 PITAR 1:8

Gonyiinii mpougo ngoumak kado, gonyiinii mpougo lungsyiile sateichii gonyiinii mpougo aitoi ngoumak kido, gonyiinii mpougo malumle sateichii mwipiinii tampei kalak pumtei kava ninado hangkapiinii ka-nta karanga tei kaswisii gonyiinii nta rangale.

TIILAMLWI KAPYIIMEI THA JUKAMATI 13:52

Sateichii boumei tei ka-ntapii ninado rangii kamateipii tokryii takle.

JONNII KARYII KABI RASAM JUKAMATI 16:6

Nlenii Inii gonyii dakii sam hang ai katam jangpii gonyii lung kamage katu teipiinii tokryii takle.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

TIILAMLWI KAPYIIMEI THA JUKAMATI 16:25

Nlenii tinghum asumkii Pol nei Sailasnii Saraa dakii riitasii ninado lhii tiisii bamle;

TIILAMLWI KAPYIIMEI THA JUKAMATI 2:46

Sateichii sating kata Saraa kamaning kilungto lungswi hangninii tiisii taksupii nduisii, mpou mpou kito tiirok tiiraksii ahnyiinii ntasii ninado lung rangasii mah chii njoile.

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.

HEBRUMEI 6:18

Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

JONNII KARYII KABI RASAM JUKAMATI 21:7

Jisunii lungkasyii boumei teinii Pitar dakii tamle, “Ai ai Bangpiile!” Ai ai Bangpiile katu tei Saimon Pitar nii shii wosek-kii, mpounii peimani tei kai wotakle (kadapokii mpou tei tha tiitang karam jangpii nat loktoi aitakle) ninado dwilung sokliit takle.

JONNII KARYII KABI RASAM JUKAMATI 14:27

“Kamajung ai Inii gonyii dakii kaidek leile, ai ai Inii gonyii dakii pyiikalei, gumah kamajung teisekle. Sazyii pouryiinii pyii kalei takumpii Inii gonyii dakii pyiimakle. Gonyii lungnaangsii lungnyii lunghao sulo, hingsulo.

JONNII KARYII KABI RASAM JUKAMATI 14:1

“Gonyii lung lungnyii lunghao sulo; Saraago malumlo, n-gudo malumlo.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

LUKNII KARYII KABI RASAM JUKAMATI 24:41

Sateichii ahnyiinii ka-nta piinii malum supii sateichii sung ga leibangpii mpounii ahnyii dakii tamle, “Aiki gonyii mah mah kachii pot mah kado leigapo?”

LUKNII KARYII KABI RASAM JUKAMATI 16:25

“Nlenii Abrahamnii khekalatle, ‘Nah sapfii mpou, maning gonglo, katunii gotiilung kito nangnii kabi hangtei doutakle, sateichii Lazarus nii tei takumpii kashyii hangtei dou- takle. Nlenii aitoinii mpounii aikito samousii bam takle, sateichii nangnii kamage dousii bam takle.

LUKNII KARYII KABI RASAM JUKAMATI 10:42

Nlenii tha hang- ninanii tiisu kashyii bamle, daponii Meri nii mpoupei dato poitoi kalak kabi njai tei kalai wotakle.”

METIU 28:8

Teipiinii ah neinii kahing ninado hangkapii ka-nta tei njasii roubam tei kalangsii toi aisii, mpoumah boumei dakii kalangsii tam tang karam jangpii pak tutakle.

JONNII KARYII KABI RASAM JUKAMATI 16:20

Kasang kasangpii Inii gonyii dakii tam leile, gonyiinii hatdo hat tangle, mageedo magee tangle, nlenii sazyii pouryiinanii nta tangle; gonyiinii lung kamage tangle, nlenii gonyii mah lung kamage tei ka-nta kikii ndatkai pyiitangle.

LUKNII KARYII KABI RASAM JUKAMATI 19:26

‘Inii gonyii dakii tam leile, kabam meihang dakii kisii pyii- tangle, nlenii kagamei dateito mpou mah kabam hang teido poitoi aitangle.

JONNII KARYII KABI RASAM JUKAMATI 16:16

“Tinglang shangniikii sousekchii gonyiinii n-gu ngoukailak takle; sateichii nlailoisii tinglang shang- niikii sousekchii gonyiinii n-gu ngoutangle.”

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.