JONNII KARYII KABI RASAM JUKAMATI 16:13 - KARANU KABI SAMTAM

¹³ Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.

JONNII KARYII KABI RASAM JUKAMATI 16:13 Referans Kwoze

JONNII KARYII KABI RASAM JUKAMATI 14:26

Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

1 JON 2:27

Sateichii mpou dato gonyiinii doukalu thao manuk kapyii teinii gonyii dato leile, sateichii mei kata hangninanii gonyiigo ralipyii tang karam kabi mah kado gale; nlenii mahlyiihang mah kaang kito mpoumah thao manuk kapyii teinii gonyiigo ralikapyii kasang, kachui kaga takumpii, sateichii teiteinii gonyiigo ralikapyii takumpii mpou dato gonyiinii taksupii leilo.

1 JON 2:20

Nlenii gonyiigonii Kristanii thao manuk pyiibam takle, sateichii gonyii hangnii teitei tile.

JONNII KARYII KABI RASAM JUKAMATI 12:49

Kadapokii Inii gumah teimaham kito tam makle, nlenii n-gu lang kamagong Pfii teinii, Inii kadapei tam tangpo ninado kadapei malhii tangpo katu mpounii n-gu kakhatpyii takle.

1 JON 4:6

Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

MATIMANGOU KAPYII 1:19

Teijangpii nangnii kangou hangtei, aitoi ninado sushang aitainii pat tang karam hangtei ryiiwolo;

JONNII KARYII KABI RASAM JUKAMATI 8:38

Gu Pfiinii n-gu kama- ngou kaang hang kito Inii tam leile, sateichii gonyiiniido Pfii dato shiikalu hangtei tiile.”

2 THESOLONIKAMEI 2:3

Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

2 THESOLONIKAMEI 2:12

sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.

TIILAMLWI KAPYIIMEI THA JUKAMATI 27:24

hingsulo, Pol, nangnii sagong doi sat tang karam takle. Sateichii julo, nangnii kaswisii malyii gamto tongkalei meihang go Saraanii godakii pyiibam takle.

TIILAMLWI KAPYIIMEI THA JUKAMATI 20:23

Ai katangnii tile, Kabang ninado kamage kalak piinii n-gu koisii bamlesii rangii kamateinii namdi hang kikii n-gu sakchyii pyiile.

JONNII KARYII KABI RASAM JUKAMATI 3:32

Mpounii ngoukalu ninado shii kalu tei sak- chyii pyiile, nlenii mei kata hangninii kaniido mpoumah sakchyii tei lukai makle.

TIILAMLWI KAPYIIMEI THA JUKAMATI 11:28

Sateichii ahnyii kak kito zei Agaba sii kalat mei hangninanii gungtu sat tosii, sazyii pouryii bamlyii hang kito tak kating gongtang takle katu tei rangii paikito tam mpat takle; sateichii ai ai Klodius haki aitiisii pat takle.

JONNII KARYII KABI RASAM JUKAMATI 16:12

“Inii gonyii dakii tam tang karam hangniikii leile, nlenii gon- yiinii teihang gotei pungpei wolakle.

HEBRUMEI 1:1

Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,

1 JON 5:6

Dwi nei zai njasii kagong mpou tei aile, katunii, Inii Kristale, dwi teiroinii supii, dwi nei zai kaswisii gongle.