JONNII KARYII KABI RASAM JUKAMATI 15:5 - KARANU KABI SAMTAM

⁵ “Darkha bangtei I-le, kha hang- tei gonyiile, gudato taksupii kalei ninado Inii ah dato taksupii kalei ahteinii ti hangniikii matile; kada- pokii I-haisupiinii gonyiinii samah kado tiipei wolakle.

JONNII KARYII KABI RASAM JUKAMATI 15:5 Referans Kwoze

PILIPIMEI 4:13

N-gu teima- ham pyiisii tiisangting kapyii Krista zei kito Inii mahlyii hang tiiwo buile.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

2 KORENMEI 13:8

Kadapokii nyiinii kasang gotei mazhii kasu samah kado tiipei wolakle, nlenii kasang jangpii roiniile.

JONNII KARYII KABI RASAM JUKAMATI 5:19

Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

JEMS 1:17

Kabi ninado sajek kaga luha hang ai sating gamtole, sakhii leimik nryiisii kalei teipiinii myiimatu kasu mak-kii, kali kasu sating gam mah kava hang go tiika- pyiipii Saraa dato gongle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

JONNII KARYII KABI RASAM JUKAMATI 12:24

Kasang kasangpii Inii gonyii dakii tam leile, Gihuti hangninii ai sazyii takmangsanii tai kasutanii, tei tei mpouroinapii teitiisii leihumle, nlenii tei tei tai aileponii, ti hangka matile.

ROMMEI 7:4

Tei takumpiinii he kangsanamei, Gonyiinii kaki hangninii mah, katunii katai kito ringkhii kalu Ahmah tiitang karam jangpii, gonyiido Krista mah apum paito Ajaitingshang lamtuito tai takle, ai ai nyiinii Saraa dato ati-matitang karam jangpiiniile.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

JONNII KARYII KABI RASAM JUKAMATI 9:33

Ai sapfii mpou ai Saraa dato suleponii, mpounii samah kado tiiwo lakle.”

PILIPIMEI 4:17

Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

1 KORENMEI 12:12

Kadapokii pumnii pum mah njai hangkii kabam takumpii, satei- chii pum mah njai tei hangkii leikado apum hangninii katu takumpii, Kristado tei takumle.

1 PITAR 2:4

Meinahnii mazhii supii rat toi kalei, nlenii Saraa mikjot kitonii kalai kalu, mai kateeng, ninado karing kuitu datei gonyiinii gonglo.

1 KORENMEI 12:27

Aitoinii gonyiinii Kristamah pum teile sateichii gonyiihang teimah njai nsang nsang tei takle.

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

2 KORENMEI 9:10

Sateichii lwi karalimei dakii lwirou ninado chiitak jangpii tiirok kapyii Saraa teinii gonyiimah lwirou hangtei pyiido pyiitangle, tiido tii- madipyii tangle sateichii gonyiimah kasang kamajyiimah rachet tei bimatupyii tangle.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

ROMMEI 12:5

teitakumpii nyii ai mei amoikado nyiihang Krista dato apum hangniniile, sateichii apum mah njai hangteinii apum kikii poi kamathok kabam takumpii nyiihangdo hang- ninanii hangninii dakii poi kamathok bamtakle.

1 KORENMEI 10:16

Bangpiimah takbaiki nyiinii poi- kalei peek sateichii teijangpii nyiinii Saraago hakalang tam kalei kiteito: nyiinii sak katu kak, nyiinii Kristamah zai tei njai leile sateichii nyiinii tiirak kalei tiirok kiteito; nyiinii chii katu kak, nyiinii Krista mah pum tei njai leile.

METIU 13:21

nlenii ahnyiinii maa gale, sateichii ahnyiinii malum mathang makle; sateichii samtam aijangpiinii kamage kalak mak-kii kaset kalak kadou katu tinglang kagong kak, ahnyiinii binasek-kii kougale.