JONNII KARYII KABI RASAM JUKAMATI 15:25 - KARANU KABI SAMTAM

²⁵ Ai ai ahnyiinii akaang gasii n-gu ngourou takle sii ahnyii mah ajaitingshang bung kikii ryii kabam samkang tei gong matwi matu tang karam jangpiiniile.

JONNII KARYII KABI RASAM JUKAMATI 15:25 Referans Kwoze

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

2 KORENMEI 11:7

Inii gonyii dakii Saraamah kabi rasam tamrali kapyii tinglang kitei Inii gonyii dato samah kado mai poipyii makle, gonyiigo poi sagoi tang karam jangpii gu roinapii Inii n-gu poisana pyiile.

MATIMANGOU KAPYII 21:6

Sateichii ahnii gudakii tamle, “Ai tiisangtakle, Inii karei ninado akat, kahou ninado kalui teile. Karingmah dwipok kiteito kasaryiimei hang go Inii matapii pyiisak tangle.

MATIMANGOU KAPYII 22:17

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

2 THESOLONIKAMEI 3:8

Sateichii nyiinii mei hangninii datodo matapii chiimakle, nlenii nyiinii gonyii mei kata hangninii kagodo tiimaswi kasu tiisii, nyiinii teisii tha katii kapung tei njasii tinghum tingna tha tiile;

GALATIMEI 2:21

Inii Saraamah jumage kapyii tei kadak matu makle. Kadaponii ajai- tingshang teipii meinahgo tiimajyii tiimatuipyiile leponii, Kristanii kaang gasii taitakle.

ROMMEI 3:24

Nlenii Jisu Krista dato kalei kaleikapyii paikito mpou mah jumage kapyii teipii ahnyiigo matapii tiimajyiipyii takle.

ROMMEI 3:19

Sateichii ajaitingshang kiteito tam kalei hang teipii mwihang go makat tang karam jangpii sateichii sazyii pouryii hang go Saraa doito samtak tiimatu tang karam jangpii ajaitingshang kangto nkangsii lung kaleimei hang dakii tam leile katu tei aitoinii nyiinii titakle.

JONNII KARYII KABI RASAM JUKAMATI 10:34

Jisunii ahnyiigo khekalatle, “Gonyiimah ajaitingshang kiteikii, Inii tam takle, ‘Gonyii sara hangle,’ sii ryiibam makpo?

JONNII KARYII KABI RASAM JUKAMATI 19:36

Kadapokii mpoumah rou hangninii kado tuilakle sii katam kabi rasam tei gong matwi matutang karam jangpii aihang ai aitiisii pat takle.

METIU 10:8

sateichii katchii kanhiimeigo tii-mbipyiilo, kataimeigo tiimaringpyiilo, mpara tchiisii kalei meigo tiimatei pyiilo, sara kashyii hang go baatoi pyiilo. Gonyiinii matapii doutakle matapii pyiilo.

JONNII KARYII KABI RASAM JUKAMATI 13:18

“Inii gonyii hang mah kaang kito tam makle; nlenii kalai kalumei gotei Inii tile; nlenii gumah tiirok chiikatu ah teinii guphyiiryiikii mpoupi pasui poimatu takle, sii kabi rasam kito katam tei madougong matutang karam jangpiile.