JONNII KARYII KABI RASAM JUKAMATI 15:24 - KARANU KABI SAMTAM

²⁴ Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.

JONNII KARYII KABI RASAM JUKAMATI 15:24 Referans Kwoze

JONNII KARYII KABI RASAM JUKAMATI 14:9

Jisunii khekalatle, “Tinglang aitiiziika kathang ai Inii gonyiigo kaswisii bam takle, teitii kido nang n-gu timakpo, Filip? N-gu ngou kalumei hangteinii Pfiigo ngoutakle, teitii leponii, nang dajangpii ‘Pfii gotei nyii dakii mangoulo,’ sii tam leipo?

JONNII KARYII KABI RASAM JUKAMATI 5:36

Nlenii Jon mah sung kisii kadi sakchyii tei gumah leile; kadapokii tiimashang matutang karam jangpii gudakii pfiinii pyiikabam tha, Inii tiikalei tha teipiinii, Pfiinii n-gu lang magongle katu gumah kaang kito sakchyii pyiile.

JONNII KARYII KABI RASAM JUKAMATI 10:37

Inii Pfii mah kamaning kamazhii tei tiiziimak leponii n-gu malum sulo,

JONNII KARYII KABI RASAM JUKAMATI 10:32

Jisunii ahnyii dakii khekalatle, “Aikak kito kadapii jangpii gonyiinii n-gu kuitu rotnesiipo?”

JONNII KARYII KABI RASAM JUKAMATI 9:32

Mei kaniido mik chetsii lung ka m-mang mei hangninii mah mik kiido tii mbipyiile katu ai sazyii pouryii saroisekto shiisang shii- makle.

JONNII KARYII KABI RASAM JUKAMATI 7:31

Nlenii mei hangkanii mpougo malum wosanii tamle, “Kristanii kagong tinglang kak, mei aipounii tiikatu tiikamangou siiti hang doito kisii ahnii tiiwo tangpo?”

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

METIU 9:33

Sateichii sara kashyii tei baatoi ai sek-kii, lat kagapii teinii lat pat takle; teito meihang teinii sung gasii tamle, “Isrelmei kak kito aikakum ai mahdou kado ngou makle.”

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

2 TIMOTHI 3:4

malumpei kalak, rumrumsii adok tiikasu, kashyii kahong swipii katokryii, Saraago lungkasyii sung pumzai mah kasamou go kisii kamarei.

ROMMEI 1:30

Saraago ngou karou- pii, kashyiitha poi ka-mpatmei, pwi pfiinii katam swikasu,

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

JONNII KARYII KABI RASAM JUKAMATI 12:45

N-gu kangoumei hangteinii n-gu lang kamagong mpou godo ngou leile.

JONNII KARYII KABI RASAM JUKAMATI 6:36

Nlenii Inii gonyii dakii tam takle, gonyiinii n-gu ngoutakle teitii kido malum makle.

LUKNII KARYII KABI RASAM JUKAMATI 24:19

Teito mpounii mpoupiina dakii tamle, “Kada dapei pat tak khe?” Teito mpoupiinanii mpou dakii tamle, “Saraa doito meihang doito tha katii sateichii sam katam hang kito teimaham kabam, Lungkaka- lingmei hangninii tiisii kabam, Nazaret ki Jisumah kaang kitole;

MARK 2:12

Teisek-kii mpounii gungkhii takle sateichii azyii poi matu takle ninado meihang doito tatpat takle. Ahnyiihangtei khiipat takle ninado Saraago aitiisii tam matoile, “Ai takumpii nyiinii mahdou kado ngousang ngoumakle!”

METIU 21:32

Kadapokii Jon-nii kasang kamajyii mah pwidi kito gongle, sateichii gonyiinii mpougo malum makle, nlenii aha kahamei ninado saha kahameinii mpougo malum wotakle sateichii gonyiinii teitei ngoukalu tai katangdo gonyiinii lung kali wosii mpougo malum womakle.

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

JONNII KARYII KABI RASAM JUKAMATI 12:10

Teipiinii kanat kajum tingdimei hangteinii Lazarus godo gitang karam jangpii sam rashii wotakle;

JONNII KARYII KABI RASAM JUKAMATI 9:41

Jisunii ahnyii dakii tamle, “Gonyii mik chetleponii, gonyii mah kem tei gatangle, nlenii gonyiinii aitoi nyiinii ngou leilesii tam kalei taiswisii, gonyii mah kem tei leijoule.

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

JONNII KARYII KABI RASAM JUKAMATI 15:22

Inii gongsii ahnyii dakii tam suleponii, ahnyii mah kem tei leilakle, nlenii aitoinii ahnyii mah kem magapyii tang karam gatakle.

JONNII KARYII KABI RASAM JUKAMATI 15:23

N-gu ngoukarou meihang teinii gu Pfii godo ngouroule.

JONNII KARYII KABI RASAM JUKAMATI 16:9

Kem mah kaang kito, ahnyiinii n-gu malum makle;