JONNII KARYII KABI RASAM JUKAMATI 15:21 - KARANU KABI SAMTAM

²¹ Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

JONNII KARYII KABI RASAM JUKAMATI 15:21 Referans Kwoze

METIU 10:22

Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

JONNII KARYII KABI RASAM JUKAMATI 8:19

Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

METIU 10:18

sateichii ahnyii doito ninado Lui kakimei doito sakchyii pyiimatu tang karam jangpii Governor mei ninado sagongmei hang doito gujangpiinii gonyiigo chyii karhiitat tangle.

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

MATIMANGOU KAPYII 2:3

Nangnii lung lehsii bamle, sateichii guzei jangpiinii lehsii bamle sateichii nangnii matoupyii aimakle katu Inii tile.

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

1 KORENMEI 15:34

Gonyiimah swi kitei swiling gong wolo, sateichii gonyii mah kakui kama pwidi hangtei rat toi ailo. Kadapokii mei kangkanii Saraamah swirek kati tei gale. Ai ai Inii gonyiigo tii nroutang karam jangpii tam leile.

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

ROMMEI 1:28

Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

TIILAMLWI KAPYIIMEI THA JUKAMATI 17:23

Kadapokii Inii aitiisii tatpatsii gonyii mah Saraa kamaningki kitei jukii, ‘juti kasu sara dakii’ sii rakuibam hangninii phyiiryiikii ryii- kabam teido ngoutakle. Teijangpiinii gonyiinii juti kasu sarago mata kajyii ai Inii gonyii dakii tam leile.

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

TIILAMLWI KAPYIIMEI THA JUKAMATI 3:17

“Sateichii aitoinii, he kang- sanamei; gonyii phyiiryiito apum tiisii kalei meinii tiikalei takumpii, gonyiiniido teitei tisupiinii tii aitakle katu Inii tile.

JONNII KARYII KABI RASAM JUKAMATI 8:54

Jisunii khekalatle, “Inii guroi- napii n-gu tam matoi leponii, gumah tam kamatoinii samah kado makle, nlenii gonyii mah saralesii gonyiinii tam kalei, gu pfii ah teinii n-gu tam matoipyiile.

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

METIU 10:39

Karing dousii kalei ah teinii teitei maga tangle sateichii gujangpiinii karing maga kalei ah teinii teitei doutangle.

METIU 5:11

“Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile.

MARK 13:13

Meihangnii gonyiigo gu jangpii ngourou tangle, nlenii kalui katang leh kalumei teinii keikapyii tei doutangle.

LUKNII KARYII KABI RASAM JUKAMATI 21:12

Nlenii matum madum ai pat kasunakii, ahnyiinii gonyiigo jumtangle, sateichii tiika- mage tangle, ahnyiinii gonyiigo Jehudimei Ndwiki nikii sateichii kabang kikii kaisii, gu zei jangpiinii Sagongmei ninado Governor doikii pangkhii tangle.

LUKNII KARYII KABI RASAM JUKAMATI 21:17

Sateichii meihangnii gonyiigo gu zei jangpii ngou routangle;

JONNII KARYII KABI RASAM JUKAMATI 8:55

Nlenii gonyiinii ahgo timakle, nlenii Inii ahgo tile, sateichii Inii ahgo timakle leponii, I-do gonyii takumpiinii chui tangle, nlenii Inii ahgo tile, ninado ah mah sam swile.

JONNII KARYII KABI RASAM JUKAMATI 15:24

Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.

JONNII KARYII KABI RASAM JUKAMATI 17:25

Oh kasang kamajyii pfii, sazyii pouryii- nanii n-go timakle, nlenii Inanii n-go titakle; sateichii nangnii n-gu lang magongle katu tei ahnyiinii titakle.

TIILAMLWI KAPYIIMEI THA JUKAMATI 4:17

Nlenii ai ai meihang dakii kisii tam kahi kasu tiisii ahnyiinii toisekpii meida kado zei aikito tam matu kasu tiisii nyiinii ahnyiigo tii kahuile.”

TIILAMLWI KAPYIIMEI THA JUKAMATI 9:14

sateichii aikito gozeigo kalatmei hang go jumtang karam jangpii kanat kanhii kajum Atingmei dato teimaham tei mpounii doutakle.”

TIILAMLWI KAPYIIMEI THA JUKAMATI 26:9

“Nazaret ki Jisu zeigo mazhii kasu tha hangtei tiitang karamlesii Inii gupum sekpiinii tiigatpii maningle.

1 JON 3:1

Julo, nyiigo Saraamah nahmei tiipyii tang karam jangpii Pfiinii nyii phyiiryiikii kadaziikapii lungsyii pyiitakpo? Sateichii nyiinii teitei miwo takle, kaang aijangpii sazyii pouryiinii nyiigo timakle, dapokii sazyii pouryiinii mpougo timakle.

3 JON 1:7

Kadapokii ahnyiinii malum kasumei dato tiikaha tei samah kado lusupii Krista jangpii ahnyiinii ahnyiimah mbui thiitat tei tatpat takle.