JONNII KARYII KABI RASAM JUKAMATI 15:11 - KARANU KABI SAMTAM

¹¹ “Gumah ka-nta ai gonyii dato leimatu tang karam jangpii; sateichii gonyii mah ka-nta tei matwi mashang matutang karam jangpii, sam hang ai Inii gonyii dakii tam takle.

JONNII KARYII KABI RASAM JUKAMATI 15:11 Referans Kwoze

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

JONNII KARYII KABI RASAM JUKAMATI 17:13

Nlenii aitoinii Inii goda gongleile; sateichii ahnyiinii mpou mpou lung kito gumah ka-nta tei matwi mashangsii leimatu tang karam jangpii sazyii pouryiito samhang ai Inii tam leile.

JONNII KARYII KABI RASAM JUKAMATI 16:24

Aitoi katang gonyiinii gu zei kito mah kado khang makle; Khanglo, katunii gonyii mah ka-nta tei matwi mashang matu tang karam jangpii gonyiinii doutangle.

1 JON 1:4

Nyiimah ka-nta ai matwi mashang matu tang karam jangpii nyiinii ai ai ryii leile.

1 PITAR 1:8

Gonyiinii mpougo ngoumak kado, gonyiinii mpougo lungsyiile sateichii gonyiinii mpougo aitoi ngoumak kido, gonyiinii mpougo malumle sateichii mwipiinii tampei kalak pumtei kava ninado hangkapiinii ka-nta karanga tei kaswisii gonyiinii nta rangale.

2 JON 1:12

Inii gonyii dakii hangka ryii kanyii leikado, Inii larek ninado mukdwi ai jumlak takle, nlenii teitungpii, nyiimah ka-nta ai matwi mashang kabui tiisii Inii gonyiida gong gonyiigo ju kadousii karashii tanglesii Inii maning malumle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

2 KORENMEI 1:24

Nyiinii gonyiimah kamalum phyiiryiito apum tiitang karam jangpiinii makle, nlenii gonyiigo nta matu tang karam jangpii nyiinii gonyiigo kaswisii tha tiileile. Kadapokii gonyiinii kamalum kito sangtingsii satsii leile.

1 THESOLONIKAMEI 5:16

Tinglang kaleita ntalo;

LUKNII KARYII KABI RASAM JUKAMATI 15:32

Nyiinii nta nlang kajyiile, kadapochiinii ai, go taikarhiipii ainii katai kito ring takle; sateichii maga kalei kito douwo takle.’ ”

LUKNII KARYII KABI RASAM JUKAMATI 15:9

Sateichii teitei douwo sek-kii, mpoupeinii mpoupei kanghemei ninado ki tiinaniipamei hang go lat magongsii tamle, ‘N-gu kaswisii ntale, kadapochiinii maga kalei gu- mah sanahgyii tei Inii dou wotakle.’

PILIPIMEI 1:25

Ai ai Inii tiigatpii titakle, teipiinii Inii bam tang takle, kamalum kito gonyiimah tha tiikalei ninado ka-nta tei kai mpam tang karam jangpii, Inii gonyii hang go kaswisii bamjou tang takle;

IPISAMEI 5:18

Gonyiinii tiimagasii kalei, jou tei sak panhii sulo, nlenii rangiipii tokryiilo,

JONNII KARYII KABI RASAM JUKAMATI 3:29

Myiipeipwi go pang kalu mpou tei nou katii sapfii mpou teile. Nlenii kuto satpii mpou sam shiisii kalei nou katiipii mah kangmei teinii, nou katiipii mah rok shii wosii ntale, gumah ka-nta tiimashang kapyii teinii aile.

LUKNII KARYII KABI RASAM JUKAMATI 15:5

Sateichii mpounii teitei douwo sekchii ntasii mpou kachyii gamkii kaiwole;

LUKNII KARYII KABI RASAM JUKAMATI 15:23

Sateichii twomnah luikabi tei baagongsii gi ailo, sateichii nje, nyiihangnii chii- sanii nta nlangle.