JONNII KARYII KABI RASAM JUKAMATI 15:10 - KARANU KABI SAMTAM

¹⁰ Inii Pfii mah kakhatsam hangtei swi wosii, mpoumah lungkasyii kiteito kalei takumpiinii, gonyiinii gumah kakhatsam hangtei swiwo leponii, gonyiinii gumah lungkasyii kito taksupii leitangle.

JONNII KARYII KABI RASAM JUKAMATI 15:10 Referans Kwoze

JONNII KARYII KABI RASAM JUKAMATI 14:15

“Gonyiinii n-gu lungsyii leponii, gonyiinii gumah kakhatsam hangtei switangle.

1 JON 5:3

Kadapokii nyiinii mpoumah kakhatsam hang go kaswi ai Saraago lungkasyiile, sateichii mpoumah kakhatsam hangteinii masui makle.

1 JON 2:5

Nlenii mpou samtamgo kaswimei kata kangka dateito kasangpii Saraago lungkasyii tei bimatui takle. Mpou dato nyii ai leile katu aipii nyiinii tile:

2 PITAR 2:21

Kadaponii kasang kama- jyiimah pwidi tei ahnyiinii tiwo taklepokii, ahnyii dakii pyii kalei kamatei kakhatsam kiteito tat nrek katu sungnii, teitei ahnyiinii tikasu teiniipou ahnyii jangpii kisii bibwi tangle.

JONNII KARYII KABI RASAM JUKAMATI 8:29

N-gu lang kamagong ahteinii n-gu kaswipyiisii leile, mpounii n-gu toipyii makle. Kadapokii mpounii kamarei kasat tha tei Inii taksupii tiile.”

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

JONNII KARYII KABI RASAM JUKAMATI 17:4

Nangnii n-gu tiilosii kapyii tha tei tiimashang aisii, sazyii pouryiito Inii n-go pumtei kava tei pyiitakle.

JONNII KARYII KABI RASAM JUKAMATI 14:31

Nlenii Inii Pfiigo lungsyiile katu ai sazyii pouryiinii titang karamle, teijangpii ahnii n-gu kakhatsii tam kabam takumpii Inii mahlyii hang tiileile. Patlo, nje nyiinii bam aiki aito tat tule.

JONNII KARYII KABI RASAM JUKAMATI 12:49

Kadapokii Inii gumah teimaham kito tam makle, nlenii n-gu lang kamagong Pfii teinii, Inii kadapei tam tangpo ninado kadapei malhii tangpo katu mpounii n-gu kakhatpyii takle.

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

JONNII KARYII KABI RASAM JUKAMATI 14:21

“Gumah kakhatsam hang gotei lukai wosanii tei hang gotei swikalu mei hang teinii n-gu lungkasyii meile. N-gu lungkasyiimei hang go gu Pfiinii lungsyii tangle, Iniido ahgo lungsyii tangle sateichii ah dakii n-gu mangoupyii tangle.”

1 KORENMEI 7:19

Kadapokii mei hangninanii Jehudimei mah ajai taiswisii tiigyii malem kido tiigyii malem mak kido samah kado makle, nlenii Saraa mah kakhatsam gotei majai katu teile.

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

JONNII KARYII KABI RASAM JUKAMATI 8:55

Nlenii gonyiinii ahgo timakle, nlenii Inii ahgo tile, sateichii Inii ahgo timakle leponii, I-do gonyii takumpiinii chui tangle, nlenii Inii ahgo tile, ninado ah mah sam swile.

JONNII KARYII KABI RASAM JUKAMATI 10:18

Mei kaniido gumah karing poitoi makle, nlenii Inii guroinapii mazhiisii matou pyiile; Inii teitei matou tang karam gumah teimaham leile, sateichii Inii teitei nlailoisii poiloi tang karam Gumah teimaham leile; kakhatsam ai Inii Pfii dato doutakle.”

JONNII KARYII KABI RASAM JUKAMATI 14:23

Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.

1 JON 2:3

Nyiinii Saraamah kakhatsam hang tei swileponii, nyiinii mpougo tile katu tei aipii nyiinii tile.

1 JON 2:6

Saraa dato leilesii tamsii kalei ah teinii Jisu Kristanii tat kalei takum- piinii mpouniido tat tang karamle.