JONNII KARYII KABI RASAM JUKAMATI 14:9 - KARANU KABI SAMTAM

⁹ Jisunii khekalatle, “Tinglang aitiiziika kathang ai Inii gonyiigo kaswisii bam takle, teitii kido nang n-gu timakpo, Filip? N-gu ngou kalumei hangteinii Pfiigo ngoutakle, teitii leponii, nang dajangpii ‘Pfii gotei nyii dakii mangoulo,’ sii tam leipo?

JONNII KARYII KABI RASAM JUKAMATI 14:9 Referans Kwoze

KOLOSIMEI 1:15

Krista ainii meinah mikpii ngoukasu Saraa njoi karei mikpii kangou teile. Mpou ainii baichem lyiihang phyiiryii kasat, manaa karei nah sapfii mpou teile.

JONNII KARYII KABI RASAM JUKAMATI 12:45

N-gu kangoumei hangteinii n-gu lang kamagong mpou godo ngou leile.

JONNII KARYII KABI RASAM JUKAMATI 14:7

Gonyiinii n-gu titakleponii, gonyiinii gu Pfii godo titang takle, aitoisekpii gonyiinii mpougo titakle ninado ngoutakle.”

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

PILIPIMEI 2:6

Mpounii Saraamah jailui kito tinglang kaleita leile, nlenii pumtei tiisii mpounii Saraago kamasam tang karam tei mpounii maning makle.

JONNII KARYII KABI RASAM JUKAMATI 14:20

Teipiinei leimik tei gongsekchii, Inii gonyii dato kalei takumpii, Inii Pfii dato leile sateichii gonyiinii gudato leile katu tei gonyiinii tigong tangle.

MARK 9:19

Teito Jisunii ahnyii dakii khekalatle, “Oh, kamalum kagamei ha, Inii gonyiigo kadatakii kaswisii bam tangpo? Inii gonyiigo kaswisii kadatakii pungha tangpo? Mpougo guda pang patlo.”

LUKNII KARYII KABI RASAM JUKAMATI 12:56

He kabijai katiimei! gonyiinii sazyiigo jusii ninado sating go jusii tinglang tei tiwole. Nlenii tingneishang mah tinglang ai gonyiinii tipei kalak ai kadapei jangpiipo?

1 KORENMEI 15:12

Aitoinii Kristago katai kito tiimaringpyii takle katu samtam tei tam ralipyii takleponii, katai kito ringkhii tang karam gasang galesii gonyii kak kito mei kangkanii kada takumpii tam wotangpo?

JONNII KARYII KABI RASAM JUKAMATI 8:19

Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.