JONNII KARYII KABI RASAM JUKAMATI 14:6 - KARANU KABI SAMTAM

⁶ Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 14:6 Referans Kwoze

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

JONNII KARYII KABI RASAM JUKAMATI 10:9

Inii takam teile, mei kata hangninanii gudato liit leponii, ahgo keipyii tangle sateichii ahnii tatpat tatliitsii hiiboi kabi tei doutangle.

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

JONNII KARYII KABI RASAM JUKAMATI 1:4

Mpou dato karing tei leile, sateichii karing tei meinah mah kava teile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:17

Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

JONNII KARYII KABI RASAM JUKAMATI 8:32

Sateichii gonyiinii kasang tei ti- tangle ninado kasang teinii gonyiigo laat mpatpyii tangle.”

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

JONNII KARYII KABI RASAM JUKAMATI 15:1

“Kasang darkha bangtei I-le, sateichii darkha toipyiilu katiipii tei gu Pfiile.

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

MATIMANGOU KAPYII 22:17

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

JONNII KARYII KABI RASAM JUKAMATI 8:51

Kasang kasangpii Inii gonyii dakii tam leile, mei kata hangninanii gusam swisii leileponii, katai tei ahnii ngousang ngoulakle.”

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

JONNII KARYII KABI RASAM JUKAMATI 18:37

Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

JONNII KARYII KABI RASAM JUKAMATI 6:33

Kadapokii sating gamto humsanii sazyii pouryii dakii karing kapyii tei Saraa mah tiirok teile.”

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

JONNII KARYII KABI RASAM JUKAMATI 6:57

Ringkalei Pfii teinii n-gu lang kamagong takumpii, sateichii Inii Pfii jangpii ringkalei takumpii, n-gu kachiimei hangteinii gu jangpii ahdo ring tangle.

1 PITAR 2:4

Meinahnii mazhii supii rat toi kalei, nlenii Saraa mikjot kitonii kalai kalu, mai kateeng, ninado karing kuitu datei gonyiinii gonglo.

JONNII KARYII KABI RASAM JUKAMATI 10:7

Teipiinii Jisunii ahnyii dakii nlailoisii tamle, “Kasang kasangpii Inii gonyii dakii tam leile, Inii Jaomah takam teile.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

KOLOSIMEI 3:4

Gonyiimah kasang karing tei Kristale, sateichii mpounii kagongki gonyiiniido mpougo ka- swisii gongsii mpoumah pumtei kava tei njaitangle.

1 KORENMEI 15:45

Kadapokii kabi rasam kito tamle, “Meinah karei reisang, Adam, gotei meinah karing hangninii tiipyiile;” nlenii kana nasang, Adam teinii karing kapyii rangii teile.

1 JON 1:8

Nyiinii kem galesii nyiinii tam leponii, nyiinii nyii roinapii chuisii hem wotakle, sateichii kasang tei nyiida gatakle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

MATIMANGOU KAPYII 19:11

Teito Sating gam laat kabam tei Inii ngoutakle, sateichii julo, takoi kaha ninado malum kabui ninado kasangsii kalat ahteinii tei phyiiryii tei tong leile, sateichii kasang kamajyii kito ahnii samtak tiileile ninado saryii tiileile.

KOLOSIMEI 2:9

Kadaponii mpoudato Saraa- mah kamateimah katokryii hangtei pumrong tiisii lungleile.

1 JON 5:6

Dwi nei zai njasii kagong mpou tei aile, katunii, Inii Kristale, dwi teiroinii supii, dwi nei zai kaswisii gongle.

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.

KOLOSIMEI 2:17

Aihang ai pat tang karam tha hang mah khiina teiroile; kasang teinii Kristale.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

HEBRUMEI 9:8

dwipeikimah kajangpii shang tei satsii kaleitanii, kamatei bam ki liit tang karam jangpii pwiditei rei laatmakle katu tei aipii rangii kamateinii mangousii leile.

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

TIILAMLWI KAPYIIMEI THA JUKAMATI 9:2

Bangpii mah pwidi swikalei sapfiimei godo sapwimei godo kata kangkago douwoleponii, ahnyiigo jum wosii Jerosalem kikii poigong katu mazhiitang karam jangpii Damaskas ki Jehudimei mah ndwi kito kalei mei dakii pyiitang karam mwija tei khangtakle.