JONNII KARYII KABI RASAM JUKAMATI 14:27 - KARANU KABI SAMTAM

²⁷ “Kamajung ai Inii gonyii dakii kaidek leile, ai ai Inii gonyii dakii pyiikalei, gumah kamajung teisekle. Sazyii pouryiinii pyii kalei takumpii Inii gonyii dakii pyiimakle. Gonyii lungnaangsii lungnyii lunghao sulo, hingsulo.

JONNII KARYII KABI RASAM JUKAMATI 14:27 Referans Kwoze

PILIPIMEI 4:7

Sateichii meinahnii tipei kalak Saraa mah kamajung teinii Krista Jisu njasii hangninii tiikalu kito gonyii swi gonyii lung hangtei koipyii tangle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

2 THESOLONIKAMEI 3:16

Aitoinii kamajung mah Bang- piinii gonyiigo tinglang kaleita pwidi hang kito kamajung tei gonyiigo pyii matulo. Bangpiinii gonyii hang go kaswipyii matulo.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

2 TIMOTHI 1:7

Kadapokii Saraanii nyii dakii kahingmah rangii tei pyii makle, nlenii teimaham mah, lungkasyiimah sateichii mpou roinapii mpoupum go jum matwi kabuimah rangii tei pyii takle.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

ROMMEI 8:6

Kadapokii apum azai mah kamaning tei kataile, nlenii rangii mah kamaning teinii karing ninado kamajung teile.

GALATIMEI 1:3

Nyii Pfii Saraa ninado Bangpii Jisu Krista dato jumage kapyii ninado kamajung tei gonyii dato leimatulo.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

JONNII KARYII KABI RASAM JUKAMATI 14:1

“Gonyii lung lungnyii lunghao sulo; Saraago malumlo, n-gudo malumlo.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

JONNII KARYII KABI RASAM JUKAMATI 20:21

Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

KOLOSIMEI 1:20

sateichii mpoumah krosh mah zai teipii tiimajung pyiisii, sazyii pouryiito kado, sating gamto kado, kalei mahlyiihang tei mpou dato, mpou paito pang gong njaloi matutang karam jangpii Saraanii sat totakle.

ROMMEI 1:7

Rom kito kalei, Saraanii lung- kasyii meihang kamateimei tiimatu tang karam jangpii lat kalumei hang go nyii Pfii Saraa sateichii Bangpii Jisu Kristanii jumage kapyii Sateichii kamajung tei gonyiigo pyii matulo.

1 KORENMEI 1:3

Nyii pfii Saraa sateichii Bangpii Jisu krista dato jumage kapyii ninado kamajung tei gonyiigo pyii matulo.

JONNII KARYII KABI RASAM JUKAMATI 20:19

Hapta kito leimik karei, teipii- nei tingkhiilam pang tei, Jehudimeigo kahing jangpii boumeinii kalei ki takam hangtei takam aisii kabam kito, Jisunii gongsii ahnyii kak kito satsii ahnyii dakii tamle, “Kamajung tei gonyiigo kaswi matulo.”

2 THESOLONIKAMEI 1:2

Apfii Saraa ninado Bangpii Jisu Kristanii jumage kapyii ninado kamajung tei gonyiigo pyii matulo.

TIILAMLWI KAPYIIMEI THA JUKAMATI 10:36

mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

LUKNII KARYII KABI RASAM JUKAMATI 2:14

“Sagoi kaki kiteito Saraago toilo, sateichii Sazyii pouryiito bangpiinii lungkasyii meihang teinii kamajung tei doulo!”

LUKNII KARYII KABI RASAM JUKAMATI 1:79

Sateichii katai mah kamyii khii kito lung kalei meihang go Sating gamto vapyii tangle, nyii pikang ai kamajung pwidi kikii chyiitat pyiitang karam jangpii.”

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

TIILAMLWI KAPYIIMEI THA JUKAMATI 18:9

Sateichii Bangpiinii Pol dakii tinghum madhang pyiisii tamle, “Hingsulo, tam mpatlo, malhiisupii- nii bam sulo.

METIU 10:26

“Teijangpii ahnyiigo hinguslo; kadapokii mati mangoulak tang karam gomnei kabam samah kado gale; sateichii tilak tang karam kamakum samah kado gale.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 1:4

Jon-nii Asia kito kalei charsh sana dakii: Tingneishang, ndoushang ninado sushang gongtang karam Ah dato, Ahmah sagong bam doito kalei rangii sanamah.

HEBRUMEI 7:2

sateichii Abrahamnii mahlyii hangmah njai kearii kito njai hangninii mpougo pyiitakle. Melki- zedek zei mah kaang karei ainii “Kasang kamajyii mah sagong” sateichii mpou ai Salem mah sagong katu taiswisii mpou ai “Kamajung mah sagong” teitiile.

JONNII KARYII KABI RASAM JUKAMATI 20:26

Leimik siisattai, mpou mah boumei hangtei nlailoisii kilungto leile, sateichii Thomasdo ahnyiigo kaswisii leile. Takam hangtei takam aitakle, nlenii Jisunii gongsii ahnyii kak kiteito sat tosii tamle, “Kama- jung tei gonyiigo kaswi matulo.”

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

GALATIMEI 6:16

Ajai aipii tat kaleimei hang phyiiryii sateichii Saraamah Isrel dakii kamajung ninado lungsyii kapyii tei matulo.

LUKNII KARYII KABI RASAM JUKAMATI 10:5

Sateichii gonyiinii mei kata hangninii ki kalung tat liitchii, aitiisii tamlo, ‘Ki aikito ka- majung tei kaswi matulo.’

KOLOSIMEI 1:2

Kolosi kito kalei Krista zeikito kamalum meihang ninado malum kabui kangsanamei dakii: Nyii pfii, Saraanii kamajung ninado jumage kapyii tei gonyiigo pyii matulo.

LUKNII KARYII KABI RASAM JUKAMATI 12:4

“Gu kangmei, Inii gonyii dakii tam leile, pumgo giwosii, tei taito samah kado tiipei kalak ahnyiigo hing sulo.