JONNII KARYII KABI RASAM JUKAMATI 14:26 - KARANU KABI SAMTAM

²⁶ Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

JONNII KARYII KABI RASAM JUKAMATI 14:26 Referans Kwoze

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

JONNII KARYII KABI RASAM JUKAMATI 14:16

Inii Pfii dato khang tangle sateichii mpounii gonyiigo tiikaha kaki hangninii pyiitangle, kalui gasii ahnii gonyiigo kaswisii bam tangle.

1 JON 2:27

Sateichii mpou dato gonyiinii doukalu thao manuk kapyii teinii gonyii dato leile, sateichii mei kata hangninanii gonyiigo ralipyii tang karam kabi mah kado gale; nlenii mahlyiihang mah kaang kito mpoumah thao manuk kapyii teinii gonyiigo ralikapyii kasang, kachui kaga takumpii, sateichii teiteinii gonyiigo ralikapyii takumpii mpou dato gonyiinii taksupii leilo.

JONNII KARYII KABI RASAM JUKAMATI 16:7

Nlenii Inii gonyii dakii kasangpii tam leile, Inii tat katu ai gonyii jangpii bibwile, kadapokii Inii tat tusuleponii; tiikahapii tei gonyiida gongsang gonglakle, nlenii Inii tat tuleponii, Inii ahgo gonyii dakii lang magong tangle.

1 JON 2:20

Nlenii gonyiigonii Kristanii thao manuk pyiibam takle, sateichii gonyii hangnii teitei tile.

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

TIILAMLWI KAPYIIMEI THA JUKAMATI 2:4

Teito ahnyii mei kalei kaga rangii kama- teipii tokryiisii, rangii teinii ahnyiigo malhii matu katu taiswisii lat katham katham tiisii malhii haotu takle.

JONNII KARYII KABI RASAM JUKAMATI 2:22

Teijangpiinii mpounii kataimei kak kito ring- kakhii kak, mpounii ai tam bamlesii mpou boumeinii maning gongtakle; sateichii ahnyiinii kabi rasam go- teido, Jisunii tam kabam sam goteido malum wotakle.

TIILAMLWI KAPYIIMEI THA JUKAMATI 13:2

Sateichii ahnyiinii Bangpii dato matasii malot- ryii leibangpii, rangii kamateinii tamle, “Barnabas nei Solgo Inii tha tiimatu tang karam jangpii latto takle; teijangpiinii mpoupiinago gujangpii aitoi mpat pyiilo.”

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

1 JON 5:7

Sateichii sakchyii tei rangiile, dapodinchii rangii teinii kasangle.

TAITAS 3:5

nyiinii kasang kamajyii kito tiikabam tha kito makle, nlenii mpoumah lungsyii kapyii kito mpounii nyiigo nlai loisii kamanaamah dwi shyii kamatei ninado rangii kamatei mah tiiranu kapyii kito mpounii nyiigo keipyii takle.

LUKNII KARYII KABI RASAM JUKAMATI 24:49

Sateichii julo, Gu pfiinii riishii tiikabam tei Inii gonyii phyiiryiikii lang m-mangpyii tangle, nlenii kasagoi gamto teimaham teipiinii pei takumpii bakaipyii ka- suta, gonyiinii namdi kiteito bamlo.”

JUD DATO KAGONG CHITI JUKAMATI 1:20

Nlenii lungkasyiimei, gonyiinii kamatei kamalum kiteikii gonyii roinapii gonyiigo makot makhiijousii leilo, rangii kamateimah teimaham haisii riitalo.

HEBRUMEI 9:8

dwipeikimah kajangpii shang tei satsii kaleitanii, kamatei bam ki liit tang karam jangpii pwiditei rei laatmakle katu tei aipii rangii kamateinii mangousii leile.

HEBRUMEI 3:7

Teijangpii rangii kamateinii tam kalei takumpii, “Gonyiinii tingnei mpoumah rok tei shii leponii,

1 THESOLONIKAMEI 4:8

Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

1 KORENMEI 12:3

Teijangpii Saraamah rangii teipii- nii tamsii kalei meihangninii kaniido “Jisugo sheeng takle!” Katu ai tam- sang tam leimakle. Sateichii rangii kamatei teipiinii katam teisupiinii mei kaniido “Jisu ai Bangpiile” katu ai tamsang tampei wolakle.

2 PITAR 1:21

Kadapokii Saraamah adoisam reipii saa ka-mpat ai meinah mah kamaning kamazhii kito patsang patlei makle, nlenii rangii kamateinii dengpyiisii meinahnii Saraa dato tamle.

LUKNII KARYII KABI RASAM JUKAMATI 11:13

Teijangpiinii gonyiinii shyiisii leikido, gonyii nahmei mah kabi tei pyiiti lepochiinii, sating gamto kalei gonyii Pfii teinii khangsii kalei ahnyii dakii kadaziikii kisii rangii kamatei tei pyiitangpo!”

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

LUKNII KARYII KABI RASAM JUKAMATI 1:41

Merinii kamata khoi tei Ilizabetnii shiiwo sek-kii, nah teinii mpoupei lungto nsaktu takle, sateichii Ilizabetnii rangii kamateipii tokryii siinii,

METIU 3:11

“Lungkali kalu jangpii Inii dwi kito gonyiigo dwi mpum pyiile; nlenii gutaito gongtang karam Ah teinii gudoito dikile; Inii mpoumah pichot kapoi katangdo tiikajyii makle, Ahnanii gonyiigo rangii kamatei kito ninado mipii dwi mpumpyii tangle.

HEBRUMEI 2:4

Saraaniido tiikamangou siiti teipii, kamadat kamadatpii, sateichii kataam kataam sung kaga tha hang teipii, sateichii mpoumah kamaning taiswisii jaipyii kabam rangii kamateimah luha hang teipii sakchyii pyiile.

2 TIMOTHI 1:14

Nyiilung kito lungsii kalei rangii kamatei paikito gudakii pyii kabam kabi tei jum wolo.

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

TIILAMLWI KAPYIIMEI THA JUKAMATI 11:16

Sateichii Jon-nii dwi kito mpumpyii takle, nlenii gonyii gonii rangii kamateipii dwi mpumpyii tak- lesii Bangpiinii tam kabam samtei Inii mangai makle.

TIILAMLWI KAPYIIMEI THA JUKAMATI 1:8

Nlenii rangii kamatei teinii gonyii phyiiryii humpyii sekchii, gonyiinii teimaham tei doutangle, Sateichii gonyiinii Jerosalemto Ju- diya ninado Samariya sazyii hang kikii, sateichii sazyii pouryii nlai katang tei gumah sakchyii tiitangle.”

JONNII KARYII KABI RASAM JUKAMATI 20:22

Mpounii ai tam kaleitai, mpounii ahnyii phyiiryiikii chyiihoi kaipyiisanii tamle, “Rangii kamatei gonyiinii dou wolo.

JONNII KARYII KABI RASAM JUKAMATI 6:45

Aitiisii lungkakalingmei mah larek kikii ryiibamle, ‘Sateichii ahnyii hang go Saraanii ralipyii tangle.’ Pfii dato shiikalu ninado rali kalumei hang- teinii guda gongle.

MARK 13:11

teito ahnyiinii gonyiigo jumsii pyiitoi kalei tinglang kak tei gonyiinii kadapei sam tam tangposii lung mage sulo, nlenii tei tinglang sek teikii mati kapyii tei gonyiinii tamlo, dapokii tam kalei tei nangnii makle, nlenii rangii kamateiniile.

METIU 1:20

Nlenii mpounii aitiisii maning leibangpii, Julo, sating gamlui hangninanii mpou mah mang kito gongsii tamle, “He Devit nah sapfii mpou Joseph, gonou Merigo pang hing sulo, kadapokii mpoupei lungto mpung kalei tei rangii kamatei datole.

HEBRUMEI 10:15

Sateichii rangii kamateiniido nyiigo sakchyii pyiile. Karei kito ahnii tamle,

JONNII KARYII KABI RASAM JUKAMATI 12:16

Nunii mpou boumei hangteinii ai ai tiwo makle, nlenii Jisugo pumtei kava kikii tiimaring kapyiitainii ai ai mpoumah kaang kito ryiibamle katu ninado mpou dakii tiibam takle katu tei ahnyiinii maning gongtakle.

MARK 12:36

Rangii kamateinii Devitgo miitkai pyiisii tamle, ‘bangpiinii gu Bangpii dakii tamle, Inii n-go ngou karoumei gotei Inii gopi pazhii kangkii poikai kasuta, gubah jiilam pangto bamlo.’

MATIMANGOU KAPYII 2:11

“Rangiinii Charsh dakii tam kalei tei khoi pung kaleimei hangnii shiimatulo. Ngam kalumei hang gotei hangna kashang katai teinii kadeng tei gatangle.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

2 KORENMEI 6:6

Nyiimah kamateipii, swirek katipii, leh katipii sateichii Saraa nga ka- ngameile katu tei nyiinii nyii roinapii meigo mangoule...rangii kamateipii, nyiimah kasang lungkasyiipii.

TIILAMLWI KAPYIIMEI THA JUKAMATI 20:35

Mahlyii hang kito Inii gonyiigo tiimangou pyiitakle, katunii, tha teisii katii aipiinii nyiinii kasuimeigo tiiha tang karamle, Bangpii Jisunii tam kabam mpoumah samtam hang gotei maningsii, ‘Kadou sung kapyii teinii kisii sadoi bile.’ ”

TIILAMLWI KAPYIIMEI THA JUKAMATI 15:8

Sateichii lungdo tikalei Saraa teinii nyii dakii tiipyii kabam tei takum- piinii ahnyii dakiido rangii kamatei tei pyiisanii, ahnyii dakii sakchyii pyiitakle.

TIILAMLWI KAPYIIMEI THA JUKAMATI 7:51

“Gonyii kadaziikapii kamalum gapo? Gonyii lung ai kadaziikapii teipo? Saraa sam shii tang karam kito gonyii khoi ai kadaziikapii teipo! Gonyii ai gonyii pfii gonyiipoumei takum takle; gonyiiniido rangii ka- mateigo mazhii makle!

TIILAMLWI KAPYIIMEI THA JUKAMATI 1:4

Sateichii ahnyiinii gong ndwi sek-kii mpounii ahnyii dakii kakhatpyii takle: “Gonyiinii Jerosalem kito tat tusulo, nlenii Inii gonyiigo katam, Gu pfiinii riishii tiikabam gotei gonyiinii koilo.

TIILAMLWI KAPYIIMEI THA JUKAMATI 1:2

Mpougo pangkhii katu piinei leimik katang tei mpounii tha tiikahou sateichii ralipyii hou katu hang mah kaang kitole.

JONNII KARYII KABI RASAM JUKAMATI 7:39

Mpougo malum kalumei hangnii doutang karam rangii mah kaang kiteito mpounii ai ai tamle, kadapokii tei tinglang kak Jisunii pumtei kava tei dou kasu taiswisii, rangii tei aitoi pyii womakle.

LUKNII KARYII KABI RASAM JUKAMATI 3:22

sateichii rangii kamatei teinii Sararuinah pum takumpii mpou phyiiryii humle, sateichii sating gamto rok hangninii humle, “Nang ai Inii lungkasyii Gunah sapfii mpou teile, Inii n-go hangkapii lung mangle.”

LUKNII KARYII KABI RASAM JUKAMATI 1:67

Sateichii mpou pfii Zakarianii rangii kamateipii tokryiisii mpounii aitiisii Saraa sam tam mpatle:

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

LUKNII KARYII KABI RASAM JUKAMATI 1:15

Mpounii Bangpii mah mik doito kadi kathang- mei hangninii mitangle, mpounii Darkhati dwi sateichii Jou saklakle, mpougo lung kalu sekto rangii kamateipii tokryii tangle.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

TIILAMLWI KAPYIIMEI THA JUKAMATI 28:25

Sateichii ahnyiinii ahnyii karapii mazhiisu sek-kii, n-noutakle. Tat n-nou kasunii Polnii ahnyii dakii sam hangninii tamle, “Rangii kamateinii nyiipei nyiipaomei dakii lungkaka- lingpii Isaiya go tiigatpii saa mpat matusii katam teile:

TIILAMLWI KAPYIIMEI THA JUKAMATI 16:6

Sateichii Asiya kito kabi rasam tam ka-mpat tei, rangii kamateinii mazhii kasu jangpiinii ahnyiinii Phairgiya ninado Galati sazyiiki tat majupat-to takle.

TIILAMLWI KAPYIIMEI THA JUKAMATI 15:28

Kadapochiinii kisii bitang karam ai supiinii kisii kamaswi pot tei gonyii phyiiryiikii kai kasu teinii bilesii rangii kamateiniido, nyiiniido maning takle,

TIILAMLWI KAPYIIMEI THA JUKAMATI 13:4

Aitiisii mpoupiinago rangii ka- mateinii lang mpatsii, mpoupiinanii Selusiya ki tat hum takle; sateichii tei kito Kaipras ki katang tei malyii gam tongsii gongtakle.

TIILAMLWI KAPYIIMEI THA JUKAMATI 7:55

Sateichii mpounii rangii kama- teipii tokryiisanii sating gamkii rajang matukii Saraa mah pumtei kava ninado Jisunii Saraa mah bah ajiilam pangto sat kalei tei ngou wosii tamle,

TIILAMLWI KAPYIIMEI THA JUKAMATI 5:3

Pitarnii mpou dakii tamle, “Ana- niyas, nangnii rangii kamatei dato choitang karam jangpii, sateichii joikalu teimah amai kiteito njai hangninii poi kabai wotang karam jangpii, seitannii golungto kada- jangpii tokryiisii bam takpo?

LUKNII KARYII KABI RASAM JUKAMATI 2:25

Teitinglang kak mei hangninii Simion katupii ai Jerosalem ki lung leile; mpou ai Isrelmei lung tei tiisamoupyii tang karam go koisii, Saraa go kati, kasang kamajyii tiisii kalei mei hangniniile, sateichii rangii kamateinii mpougo kaswi leile.

METIU 1:18

Jisu Kristago aitiisii manaale, Mpoupwi Meri ai Joseph kikii n-nhii- tak aitakle, nlenii ahnei hangna kapang kasunakii, mpoupwi ai rangii kamatei nah mpung leitakle katu tei tigong takle.

JONNII KARYII KABI RASAM JUKAMATI 1:33

Iniido mpougo timakle, nlenii dwi kito mpum pyiilosii n-gu lang kamagong mpounii n-gu tamle, rangiinii hum kapyii sateichii bam kapyii nangnii kangou mpou ai rangii kamateipii mpum pyiisii kalei mpou teile.

JONNII KARYII KABI RASAM JUKAMATI 14:25

“Inii gonyiigo kaswisii leibang- piinii ai ai Inii gonyii dakii tam takle.