JONNII KARYII KABI RASAM JUKAMATI 14:23 - KARANU KABI SAMTAM

²³ Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.

JONNII KARYII KABI RASAM JUKAMATI 14:23 Referans Kwoze

JONNII KARYII KABI RASAM JUKAMATI 14:21

“Gumah kakhatsam hang gotei lukai wosanii tei hang gotei swikalu mei hang teinii n-gu lungkasyii meile. N-gu lungkasyiimei hang go gu Pfiinii lungsyii tangle, Iniido ahgo lungsyii tangle sateichii ah dakii n-gu mangoupyii tangle.”

JONNII KARYII KABI RASAM JUKAMATI 14:15

“Gonyiinii n-gu lungsyii leponii, gonyiinii gumah kakhatsam hangtei switangle.

1 JON 2:24

Gonyiinii saroisekto shiikalu tei gonyii dato taksupiinii leimatulo. Gonyiinii saroisekto shiikalu tei gonyii dato taksupii leileponii, gonyiiniido nah sapfii mpou dato sateichii Pfii dato taksupii leitangle.

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

2 KORENMEI 6:16

Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 6:56

Gumah kamyii chiisii kalei ninado gumah zai saksii kalei ahteinii gudato taksupiinii leile, sateichii Inii ah dato taksupiinii leile.

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

MATIMANGOU KAPYII 21:22

Sateichii namdi lung teikii Inii Saraa kamaningki tei ngoumakle, kadapokii Bangpii Saraa kadi kathang ninado jaonah teinii teimah Saraa kamaningki teile.

MATIMANGOU KAPYII 22:3

Sateichii teiki tei kasheeng katu tei samah kado gatangle, nlenii Saraamah ninado Jaonah mah sagongbam tei namdi teilungto leitangle, sateichii ahmah kikaleimei hangteinii ahgo mata tangle;

JONNII KARYII KABI RASAM JUKAMATI 8:51

Kasang kasangpii Inii gonyii dakii tam leile, mei kata hangninanii gusam swisii leileponii, katai tei ahnii ngousang ngoulakle.”

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

JONNII KARYII KABI RASAM JUKAMATI 14:24

N-gu lungsyii kasumei hangteinii gumah karali hang gotei swimakle, sateichii gonyiinii shiikalu ralikapyii ainii gumah makle, nlenii n-gu lang kama- gong Pfii dato gongle.

JONNII KARYII KABI RASAM JUKAMATI 15:10

Inii Pfii mah kakhatsam hangtei swi wosii, mpoumah lungkasyii kiteito kalei takumpiinii, gonyiinii gumah kakhatsam hangtei swiwo leponii, gonyiinii gumah lungkasyii kito taksupii leitangle.

JONNII KARYII KABI RASAM JUKAMATI 16:27

kadapokii Pfii sekpiinii gonyiigo lungsyiile; dapodinchii gonyiinii n-gu lungsyiile, sateichii Inii Pfii dato gongle katu gonyiinii malum wotakle.

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

1 JON 2:5

Nlenii mpou samtamgo kaswimei kata kangka dateito kasangpii Saraago lungkasyii tei bimatui takle. Mpou dato nyii ai leile katu aipii nyiinii tile:

1 JON 5:3

Kadapokii nyiinii mpoumah kakhatsam hang go kaswi ai Saraago lungkasyiile, sateichii mpoumah kakhatsam hangteinii masui makle.

2 JON 1:6

Sateichii nyiinii mpoumah kakhatsam hangtai tei swisii katat ai lungkasyiile. Gonyiinii saroisekto shiikalu takumpii, tei taiswisii gonyiinii tat tang karamle katu kakhatsam tei aile.

MATIMANGOU KAPYII 21:3

Sateichii sagongbam kiteito rok kasagoi hangninanii aitiisii katam Inii shiitakle, “Julo, Saraamah kitei meinahgo kaswi leile, sateichii ahnii ahnyiigo kaswisii bampyii tangle, ahnyiinii ahmah mei hang tiitangle, sateichii Saraa sekpiinii ahnyiigo kaswido kaswipyii tangle.