JONNII KARYII KABI RASAM JUKAMATI 14:2 - KARANU KABI SAMTAM

² Gu pfiiki ki shang hangniikii leile, teisuleponii, gonyii jangpii Inii mang bam tiikada tang karam jangpii I tat tutaklesii Inii gonyiida tam tangpo?

JONNII KARYII KABI RASAM JUKAMATI 14:2 Referans Kwoze

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

JONNII KARYII KABI RASAM JUKAMATI 13:36

Saimon Pitarnii mpou dakii tamle, “Bangpii, nang kadaki tat tuleziipo?” Jisunii khekalatle, “Inii katat nitei nang aitoi gutai swipei wolakle, nlenii kanakinii nang gutai switangle.”

HEBRUMEI 13:14

Kadapokii sazyii pouryii aito nyii jangpiinii bamsang bam tang karam namdi tei gale; gongtang karam namdi gotei nyiinii jusii leile.

MATIMANGOU KAPYII 21:2

Sateichii Saraa dato kamatei namdi, kasatai Jerosa- lem teinii, mpoupeimah naa jangpii natkai kai ka-mbi amyiipeipwi takumpiinii tiikada wosii, sating gamto humkalei tei Inii ngoutakle.

MATIMANGOU KAPYII 3:12

Ngam kalu ah gotei Inii gumah Saraamah kamateiki mah ki acheng hangninii tiimatu tangle sateichii ahnii bam teiki teito tatsang tat tulakle, sateichii gumah Saraamah zei, gumah Saraamah namdimah zei gumah Saraa dato, Sating gamto kahum kasatai Jerosalem sateichii gumah kasatai zeitei Inii ah phyiiryiikii ryiikai pyii tangle.

HEBRUMEI 11:10

Kadapokii Saraanii tiido tiikamakhii, lido likamakhii, bangmaa kalei namdi gotei mpounii rajangsii leile.

JONNII KARYII KABI RASAM JUKAMATI 13:33

Nah kachengmei, tinglang shangniikii jangpii Inii gonyiigo kaswisii bam leile, gonyiinii n-gu fiitangle, sateichii Inii Jehu- dimei dakii tam kabam takumpii: Inii katat bam kitei gonyiinii gongpei wolakle, teitakumpiinii aitoi Inii gonyii dakiido tam leile.

JONNII KARYII KABI RASAM JUKAMATI 16:4

Nlenii ahnyiinii aihang ai tiikatu tinglang tei gongsekchii, Inii gonyii dakii reipii tam takle katu gonyiinii maning gong matu tang karam jangpii, ai ai Inii gonyii dakii tam takle. “Aihang ai Inii gonyiigo saroisekto tam makle, kadapokii Inii gonyiigo kaswisii leile.

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

HEBRUMEI 6:20

Nyiihang tung tiisii Jisunii nyiidoi reisii teiki tei tat tutakle, sateichii Melkizedek taito adoidoi tiisii lung kadoihum kalei taiswisii kalui kaga kanat kajum Tingditupii hangninii tiiwo takle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

HEBRUMEI 9:8

dwipeikimah kajangpii shang tei satsii kaleitanii, kamatei bam ki liit tang karam jangpii pwiditei rei laatmakle katu tei aipii rangii kamateinii mangousii leile.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

1 THESOLONIKAMEI 5:9

Kadapokii Saraanii nyiigo rakarhii tei doumatu tang karam jangpii kalai makle, nlenii nyii Bangpii Jisu Kristamah paikito keikapyii karing tei doumatu tang karam jangpii kalaiwo takle.

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

JONNII KARYII KABI RASAM JUKAMATI 14:28

I-tat tutang lesii Inii tam kalei tei gonyiinii n-gu shiitakle, nlenii Inii gonyiida nlaigong tangle. Gonyiinii n-gu lungsyii leponii, Inii Pfiida tat tutang karam ai gonyiinii nta tang karamle, kadapokii mpounii gusung dibuile.

LUKNII KARYII KABI RASAM JUKAMATI 14:22

Kikaleipii teinii tamle, ‘Bangpii, gomah kakhatsam taiswisii tiitakle, nlenii teitii kido, aitoido-rei bam bamle.’