Biblia Todo Logo
Bib sou entènèt

- Piblisite -




JONNII KARYII KABI RASAM JUKAMATI 14:17 - KARANU KABI SAMTAM

17 Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

Gade chapit la Kopi




JONNII KARYII KABI RASAM JUKAMATI 14:17
30 Referans Kwoze  

Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.


Sateichii mpou dato gonyiinii doukalu thao manuk kapyii teinii gonyii dato leile, sateichii mei kata hangninanii gonyiigo ralipyii tang karam kabi mah kado gale; nlenii mahlyiihang mah kaang kito mpoumah thao manuk kapyii teinii gonyiigo ralikapyii kasang, kachui kaga takumpii, sateichii teiteinii gonyiigo ralikapyii takumpii mpou dato gonyiinii taksupii leilo.


“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;


Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.


Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?


Rangii haikasumei teinii Saraa rangiimah luha tei doumakle, kadapokii teitei mpou datonii kapang kamangle, sateichii mpounii teitei tipei wolakle. Kadaponii teiteinii rangiilamto kagongle.


Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;


Nyiilung kito lungsii kalei rangii kamatei paikito gudakii pyii kabam kabi tei jum wolo.


Inii Pfii dato khang tangle sateichii mpounii gonyiigo tiikaha kaki hangninii pyiitangle, kalui gasii ahnii gonyiigo kaswisii bam tangle.


Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.


Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.


Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.


sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,


Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.


Gonyii mah kamalum kito gonyiinii satsii leimanii leimakpo, katu jutang karam jangpii, Gonyii roinapii jaijulo. Kristanii gonyii dato leile katu gonyiinii timakpo? jaikaju tei gonyiinii kasangpii kadoupeilak kasuta!


Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.


Mpougo njasii hangninii tiikalu kito Saraanii mpoumah rangii paikito lungsii kalei bam hangninii ki teikii mei kakimei hang go kaswisii gonyii godo tiimakhiibam takle.


kadapokii tam kalei tei gonyiinii makle, nlenii gonyii lung kito kalei go pfii mah rangii teinii tam leile.


“Rangiinii Charsh hang dakii tam kalei tei khoi pung kalei mei- hangnii shiimatulo. Ngam kalu ah dakii Inii kamakum manna tai pyiit- angle sateichii kuitu kaha hangninii ninado kuitu phyiiryiikii ryiikabam kasatai zei hangninii tei Inii ahdakii pyiitangle, teitei doukalu ah teisu- piinii mei kaniido zei tei timakle.’


Sateichii sakchyii tei rangiile, dapodinchii rangii teinii kasangle.


Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”


Teitii leponii Inii kadapei tiitangpo? Rangiigo kaswisii Inii riita tangle sateichii gulungswi go njasiido riita tangle; gu rangiigo njasii Inii lhii tiitangle sateichii gulungswigo kaswisiido Inii lhii tiitangle.


Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”


Swiv nou:

Piblisite


Piblisite