JONNII KARYII KABI RASAM JUKAMATI 14:13 - KARANU KABI SAMTAM

¹³ Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.

JONNII KARYII KABI RASAM JUKAMATI 14:13 Referans Kwoze

JONNII KARYII KABI RASAM JUKAMATI 15:7

Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.

MARK 11:24

Teijangpii Inii gonyii dakii tam leile, nangnii riitasii mah kata kara kakhang tinglang kak, teitei nangnii doutakle katupii nang- nii malumlo.

METIU 21:22

Sateichii gonyiinii kamalum tei leileponii, gonyiinii riita kakhang hangtei gonyiinii doutangle.”

METIU 7:7

“Khanglo, gonyii dakii pyii tangle; fiilo gonyiinii doutangle; sa- teichii takam kakhiilo, gonyiigo laat- pyii tangle.

1 JON 5:14

Sateichii mpou dato kalei nyiimah maning kamalum tei aile, katunii, mpoumah kamaning taiswisii nyiinii mah kata kara khang leponii, nyiinii kakhang mpounii shiipyiile.

JONNII KARYII KABI RASAM JUKAMATI 16:23

“Sateichii teipiinei tei samah hangninii kado gonyiinii gudato n-nhiilakle. Kasang kasangpii Inii gonyii dakii tam leile, gonyiinii Pfii dato mah katalyii khang leponii, mpounii gu zei kito teitei gonyii dakii pyiitangle.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

JONNII KARYII KABI RASAM JUKAMATI 14:14

Gu zei kito gonyiinii mah katalyii khang leponii, teitei Inii tiipyii tangle.

JEMS 5:16

Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.

PILIPIMEI 4:13

N-gu teima- ham pyiisii tiisangting kapyii Krista zei kito Inii mahlyii hang tiiwo buile.

JEMS 1:5

Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.

IPISAMEI 3:12

Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

JONNII KARYII KABI RASAM JUKAMATI 16:26

Teipiinei leimik gonyiinii gu zei kito khang tangle sateichii Inii gonyii jangpii Pfii dakii riitapyii tangle katu Inii gonyii dakii tam makle;

JONNII KARYII KABI RASAM JUKAMATI 10:30

I ninado Pfii teinii hangniniile.”

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

KOLOSIMEI 3:17

Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.

JONNII KARYII KABI RASAM JUKAMATI 7:37

Takbai kalui piinei leimik katunii, leimik kadipiinei, Jisunii gongtu sat takle sateichii rok sagoisii tamle, “Mei kata hangninanii saryiileponii, ahnii guda gongsii sak matulo.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 12:44

Jisunii rok sagoisii tamle, “N-gu kamalum ahteinii n-gu roinii malum makle, nlenii n-gu lang kama- gong mpou godo malumle.

LUKNII KARYII KABI RASAM JUKAMATI 11:9

“Teijangpiinii Inii gonyiigo tam leile, khanglo, gonyii dakii pyiitangle; fiilo, gonyiinii doutangle; kakhiilo, gonyii dakii laatpyii tangle.

1 PITAR 2:5

Jisu Krista paikito Saraanii mazhii kapyii sateichii rangiimah kakarat pot hangtei pyiitoi tang karam jangpii, kamatei atingmei hangninii tiitang karam jangpii, gonyii roinapii gonyii karing kuitu hang takumpii rangiimah kitei tiimakhiilo.

JONNII KARYII KABI RASAM JUKAMATI 5:19

Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

HEBRUMEI 13:15

Tei- jangpii mwipiinii kapyii kakarat katunii, mpougo Bangpii tiisii, Jisu paikito Saraa dakii nyiimah kakarat tei taksupii nyiinii pyiide.

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

IPISAMEI 3:14

Ai kaang jangpii sating gamto ninado sazyii pouryiito kalei kikalung mpung hangnii mpou dato zei tak kabam,

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

JONNII KARYII KABI RASAM JUKAMATI 16:7

Nlenii Inii gonyii dakii kasangpii tam leile, Inii tat katu ai gonyii jangpii bibwile, kadapokii Inii tat tusuleponii; tiikahapii tei gonyiida gongsang gonglakle, nlenii Inii tat tuleponii, Inii ahgo gonyii dakii lang magong tangle.

JONNII KARYII KABI RASAM JUKAMATI 13:31

Judasnii tatpat kaleitai Jisunii tamle, “Aitoi meinah sapfii mpou gotei pumtei kava tiimadi pyiitakle sateichii mpou paikito Saraago pumtei kava tiimadi pyiitakle.

1 KORENMEI 14:13

Teijangpiinii lat hangninii tamsii kalei ahteinii lat tei kadat mpat kabuimah teimaham tei doutang karam jangpii riita tang karamle.