JONNII KARYII KABI RASAM JUKAMATI 13:18 - KARANU KABI SAMTAM

¹⁸ “Inii gonyii hang mah kaang kito tam makle; nlenii kalai kalumei gotei Inii tile; nlenii gumah tiirok chiikatu ah teinii guphyiiryiikii mpoupi pasui poimatu takle, sii kabi rasam kito katam tei madougong matutang karam jangpiile.

JONNII KARYII KABI RASAM JUKAMATI 13:18 Referans Kwoze

METIU 26:23

Mpounii khekalatle, “Kok kikii n-gu kaswisii bah toukakai ah teinii n-gu schoi-choikai tangle.

JONNII KARYII KABI RASAM JUKAMATI 17:12

Inii ahnyiigo kaswisii bam kalei tinglang kak, nangnii gudakii pyii kabam ahnyii gotei gozei kito Inii koipyiitakle; sateichii Inii ahnyiigo dengpyiile ninado kabi rasam kito tam kabam tei gong matwi matutang karam jangpii, maga tang karam mah nah sapfiimei tei supiinii, ahnyii mei hangninii kagodo maga makle.

MARK 14:20

Mpounii ahnyii dakii tamle, “Kok hangninii lung kikii n-gu kaswisii bah karengkai katupii keariisiinakhii kak kito mei hang- niniile.

JONNII KARYII KABI RASAM JUKAMATI 13:26

Jisunii khekalatle, “Inii tiirok chengniikii tow wosii pyiitang karam mpou teile.” Teito mpounii tiirok chengniikii poiliit tow wosanii mpounii poisii Saimon Iskariot nah sapfii mpou Judas dakii pyiitakle.

JONNII KARYII KABI RASAM JUKAMATI 6:70

Jisunii ahnyii dakii khekalatle, “Inii gonyii keariisiinakhiigo kalai wotak makpo? Sateichii gonyii kak kito hangninanii seitanle!”

JONNII KARYII KABI RASAM JUKAMATI 15:19

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.

HEBRUMEI 4:13

Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

METIU 10:36

Sateichii mei hangninii mah ngou karoumei teinii mpouki kalung mpung mah mei tei tangle.

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

JONNII KARYII KABI RASAM JUKAMATI 21:17

Jisunii mpougo hangtum kashang tiisii tamle, “Jon nah sapfii mpou Saimon, nang n-gu lungsyii makpo?” sii Jisunii mpougo hangtum kashang tiisii katam jangpiinii Pitar swi mage takle. Teito mpounii Jisu dakii tamle, “Bangpii nangnii matum madum tile, Inii n-go lungsyiile katu nangnii tile.” Jisunii mpou dakii tamle, “gumah Jaonah mei go koichyii pyiilo.

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

METIU 26:21

sateichii ahnyiinii mah chiikalei tinglang kak, Jisunii tamle, Inii gonyiigo kasangpii tam leile, gonyii kak kito mei hangninanii n-gu schoi choikaipyii tangle.

MARK 14:17

Sateichii tingkhiilam Jisunii keariisiinakhii gotei kaswisii gongle.

MARK 14:18

Sateichii ahnyiinii mah chiilei- bangpii, Jisunii tamle, “Kasangpii Inii gonyii dakii tam leile, gonyii kak kito n-gu mah chii njoi kalei mei hangninanii n-gu schoi-choichii tangle.”

LUKNII KARYII KABI RASAM JUKAMATI 22:21

“Nlenii julo, n-gu schoi choikai kapyiipii bah tei tak kachii bam gam n-gu kaswisii bamle.

JONNII KARYII KABI RASAM JUKAMATI 13:21

Jisunii ai tamsang aisek-kii, mpou tei lung hangkapii kamage takle sateichii madupii tamle, “Kasang kasangpii Inii gonyii dakii tam leile, gonyii kak kito mei hangninanii n-gu schoi choikai tangle.”

JONNII KARYII KABI RASAM JUKAMATI 13:22

Mpounii tapii kaang kito tam leipo katu boumei hangteinii maning rarhiisanii, ahnyiimei hangninanii hangniniigo kajutu takle.

JONNII KARYII KABI RASAM JUKAMATI 15:25

Ai ai ahnyiinii akaang gasii n-gu ngourou takle sii ahnyii mah ajaitingshang bung kikii ryii kabam samkang tei gong matwi matu tang karam jangpiiniile.

JONNII KARYII KABI RASAM JUKAMATI 18:32

tam kalei ai, Jisunii kadapei tiitpii taitangposii tam kabam samtei gong matwi matutang karam jangpiiniile.

JONNII KARYII KABI RASAM JUKAMATI 19:24

Teipiinii ahnyiinii hangninanii hangninii dakii tamle, “Ai ai nyiinii het sude, nlenii ai ai tamah tangpo katu doikabi ju kamagale.” Ai ai kabi rasam kito tam kabam: “Ahnyiinii ahnyii kak kito gu peimani tei njai wotakle, sateichii gu peijou jangpii ahnyiinii doikabi jukamaga takle,” katu tei gong matwi matutang karam jangpiiniile.

JONNII KARYII KABI RASAM JUKAMATI 19:36

Kadapokii mpoumah rou hangninii kado tuilakle sii katam kabi rasam tei gong matwi matutang karam jangpii aihang ai aitiisii pat takle.

TIILAMLWI KAPYIIMEI THA JUKAMATI 1:2

Mpougo pangkhii katu piinei leimik katang tei mpounii tha tiikahou sateichii ralipyii hou katu hang mah kaang kitole.

TIILAMLWI KAPYIIMEI THA JUKAMATI 1:16

“He kangsanamei, Jisugo kajum kak ahnyii mah Shekapyiipii Judas mah kaang kito, Devit mwi kito rangii kamateinii doireisii tam kabam kabi rasam tei madougong tang karamle.