JONNII KARYII KABI RASAM JUKAMATI 13:14 - KARANU KABI SAMTAM

¹⁴ Teijangpiinii gonyii mah madhiikapyiipii ninado Bangpii, Inii gonyii pi katapyii leponii, gonyiido hangninanii hang- ninii pi katapyii tang karamle.

JONNII KARYII KABI RASAM JUKAMATI 13:14 Referans Kwoze

1 PITAR 5:5

Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.”

TIILAMLWI KAPYIIMEI THA JUKAMATI 20:35

Mahlyii hang kito Inii gonyiigo tiimangou pyiitakle, katunii, tha teisii katii aipiinii nyiinii kasuimeigo tiiha tang karamle, Bangpii Jisunii tam kabam mpoumah samtam hang gotei maningsii, ‘Kadou sung kapyii teinii kisii sadoi bile.’ ”

GALATIMEI 5:13

Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo.

ROMMEI 12:16

hang- ninanii hangniniigo masambisii lunglo; detdi sulo, nlenii kasana- meigo njasii kaswilo; goroinapii kasakaipii lesii maningsulo.

1 PITAR 4:1

Teijangpii Kristanii pumzai kito kamage kalak pung kapyii taiswisii gonyii roinapii gonyiido mpounii kamaning lungswi teigotei njoisii saryiinat takumpii kai wolo; kadapokii pumzai kito kamage kalak doukalei mei teinii kem kito mpat kapyii tei doutakle;

1 KORENMEI 8:13

Teijangpiinii Chiitak teipii gosanapiigo kem tiimatusii lei le- ponii, gosanapiigo kem kikii tiikailak tang karam jangpii Inii nlailoisii kamyii tei chiisang chiiloi lakle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

ROMMEI 12:10

ki kalung mpung lungkasyii takumpii kangsanamei hangni hangninago kalungsyiilo; sateichii hangninanii hangniniigo adzyii roulo.

JONNII KARYII KABI RASAM JUKAMATI 11:2

Meri katupei ai Bangpii mah pi pazhii kikii kairum kabi thao ruikaipyiisii mpoupei mah aphyiitaampii piit mathang kapyiipei teile, ranisii kabam tei mpoupei hiipii Lazarus teile.

1 KORENMEI 12:3

Teijangpii Saraamah rangii teipii- nii tamsii kalei meihangninii kaniido “Jisugo sheeng takle!” Katu ai tam- sang tam leimakle. Sateichii rangii kamatei teipiinii katam teisupiinii mei kaniido “Jisu ai Bangpiile” katu ai tamsang tampei wolakle.

PILIPIMEI 2:11

sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.