JONNII KARYII KABI RASAM JUKAMATI 13:1 - KARANU KABI SAMTAM

¹ Aitoinii kaakamaju mah takbai doi tei, Jisunii sazyii pouryii ai toisii tat tutang karam tinglang tei gongtakle katu titakle. Sazyii pouryiito kalei mpoumah sek katu meihang gotei sating kata mpounii lungsyiile sateichii mpounii ahnyiigo nlai katang tei lungsyiile.

JONNII KARYII KABI RASAM JUKAMATI 13:1 Referans Kwoze

JONNII KARYII KABI RASAM JUKAMATI 12:23

Jisunii mpoupiinago khekalatle, “Meinah sapfii mpou teinii pumtei kava kadi doutang karam tinglang tei gongtakle.

1 JON 4:19

Nyiinii lungsyiile, dapokii mpounii nyiigo karei kito lungsyii- pyii takle.

JONNII KARYII KABI RASAM JUKAMATI 13:34

Karanu kakhatsam hangninii Inii gonyii dakii pyii leile, ‘gonyii hangninanii hangniniigo kalungsyiilo.’

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

JONNII KARYII KABI RASAM JUKAMATI 18:4

Teito Jisunii mpou dato pat tang karam hangtei tiwosanii, tatpatsii ahnyii dakii tamle, “Go- nyiinii tago fiileipo?” Ahnyiinii mpougo khekalatle, “Nazaret ki Jisu” gole.

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

JONNII KARYII KABI RASAM JUKAMATI 17:16

Inii sazyii pouryii mah kasu takumpii, ahnyiido sazyii pouryii mah makle.

JONNII KARYII KABI RASAM JUKAMATI 17:1

Jisunii samhang ai tam sek-kii, Mpounii sating gamkii rajang matusii tamle, “Pfii-o, ting- lang tei gongtakle; nah sapfii mpou teinii n-go pumtei kava tei pyii matutang karam jangpii gonah sapfii mpougo pumtei kava tei pyiilo.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

METIU 26:45

Teito mpounii mpou boumeida nlaigongsii tamle, “Gonyii rei zyiisii sateichii ntaksii leide rei? Julo, meinah sapfii mpou gotei kakui kama mei bah kikii pyiitoi aitang karam tinglang tei gong takle.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

HEBRUMEI 6:11

Sateichii gonyiinii mahat supii, kamalum ninado lung leh kati paikito riishii tiikabam tei doukalu ahnyiimah jai karalimei tiitang karam jangpii,

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

ROMMEI 8:37

Teitii kido akaang aihang kito nyiigo lungsyii kapyiipii paito nyiinii kangam kito kisii kangam teile.

JONNII KARYII KABI RASAM JUKAMATI 17:26

Nangnii n-gu lungsyii katu mah lungkasyii tei ahnyii dato leimatu tang karam jangpii sateichii Inii ahnyii dato leimatu tang karam jangpii, Inii ahnyii dakii go zei tei tam matitakle, sateichii teitei Inii tam mati tangle.”

JONNII KARYII KABI RASAM JUKAMATI 14:28

I-tat tutang lesii Inii tam kalei tei gonyiinii n-gu shiitakle, nlenii Inii gonyiida nlaigong tangle. Gonyiinii n-gu lungsyii leponii, Inii Pfiida tat tutang karam ai gonyiinii nta tang karamle, kadapokii mpounii gusung dibuile.

JONNII KARYII KABI RASAM JUKAMATI 11:55

Jehudimei mah kaakamaju takbai tei nagong leitakle, sateichii meihang kanii kaakamaju mah takbai doikii tiikamatei mah kanat tei tiitang karam jangpii namdi kito Jerosalemki tatpi takle.

JONNII KARYII KABI RASAM JUKAMATI 7:30

Teijangpii ahnyiinii mpougo jumtang karam jangpii fiitutakle sa- teichii mei kaniido mpou phyiiryiikii bah kai makle, dapochiinii mpoumah tinglang tei gongmakle rei.

JONNII KARYII KABI RASAM JUKAMATI 7:6

Teijangpii Jisunii ahnyii dakii tamle, “Gujangpiinii tinglang tei gongmakle rei, nlenii gonyii mah taksupii kamazhii leile.

JONNII KARYII KABI RASAM JUKAMATI 6:4

Aitoinii Jehudimei mah takbai, kaakamaju mah takbai tei natakle.

LUKNII KARYII KABI RASAM JUKAMATI 22:53

Inii gonyiigo Saraa Kamaning kilungto sating kata kaswisii kabam tinglang kak teinii gonyiinii gu gamkii bah kai- makle. Nlenii ai-ai gonyiinii tiitang karam tinglang ninado kamyii mah pumtei katii tinglangle.”

LUKNII KARYII KABI RASAM JUKAMATI 9:51

Jisugo Sating gam pangkhii tang karam tinglang tei gong sek-kii, mpounii Jerosalem ki kathang tatliit tang karam jangpii swi maningsii tatpat takle.

METIU 28:20

Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

JONNII KARYII KABI RASAM JUKAMATI 8:20

Mpounii Saraa kamaning kilungto tam ralipyii kalei kak, sam- kang hang ai pyiikatoi sanahbung kaibam kalei ki shang kito tamle, nlenii mei kaniido mpougo jum makle, dapodinchii mpoumah tinglang tei rei gongmakle.

JONNII KARYII KABI RASAM JUKAMATI 2:13

Sateichii Jehudimei mah kaakamaju mah takbai tei nagong sek-kii, Jisunii Jerosalem ki tatpile.

JONNII KARYII KABI RASAM JUKAMATI 13:29

Judasda sana takou tei kalei jangpii “Nyiinii kamarei mah lyiilo;” mak-kii mpounii mah kaga- mei hangdakii mah kata chengniikii pyiitang karamlesii Jisunii mpou dakii tam leilesii ahnyii mei kangkanii maningle.

JONNII KARYII KABI RASAM JUKAMATI 14:31

Nlenii Inii Pfiigo lungsyiile katu ai sazyii pouryiinii titang karamle, teijangpii ahnii n-gu kakhatsii tam kabam takumpii Inii mahlyii hang tiileile. Patlo, nje nyiinii bam aiki aito tat tule.

JONNII KARYII KABI RASAM JUKAMATI 19:28

Aitaito Jisunii tha hangtei aitoinii tiimashang takle katu tei tiwosii, kabi rasam tei kasangpii gong matwi matutang karam jangpii mpounii tamle, “I saryiile.”