JONNII KARYII KABI RASAM JUKAMATI 12:43 - KARANU KABI SAMTAM

⁴³ Kadapokii Saraanii tam kamatoi sung meinii tam kamatoi tei ahnyiinii kisii marai takle.

JONNII KARYII KABI RASAM JUKAMATI 12:43 Referans Kwoze

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

JONNII KARYII KABI RASAM JUKAMATI 5:41

“Inii meinah dato tam kamatoi poimakle.

LUKNII KARYII KABI RASAM JUKAMATI 16:15

Nlenii Jisunii ahnyii dakii tamle, “Gonyiinii sazyii pouryiimei mik doito kasamsang meilesii tiimangou leile, nlenii Saraananii gonyii lungtei tile; kadapokii sazyii pouryiimei doito poi kasagoi tei Saraa mik doito ngou kasaba teile.

1 THESOLONIKAMEI 2:6

Kristamah tiilamlwi kapyiimei tiisii nyiinii gonyii phyiiryiito teimaham leikado, gonyii dato kado, mei kakimei dato kado, mak-kii mei kata hangninii dato kado tam matoi matu tang karam tei nyiinii fiimakle.

2 KORENMEI 10:18

Kadapokii ah roinapiinii ahgo tam kamatoi mei gotei lukaipyii makle, nlenii Bangpiinii tam kamatoi mei gotei lukaipyiile.

METIU 6:2

“Teipiinii gonyiinii mah kaga- meigo tiikaha tinglang kak, kabijai katiimeinii Ndwibam hangkito sateichii pwidi kadi hang kito meinii tam matoi matu tang karam jangpii katii takumpii gonyiinii meihang kasiiti tiisii tiisulo. Inii kasangpii gonyii dakii tamleile, ahnyiinii ahnyii mah lhang tei doutakle.

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

JONNII KARYII KABI RASAM JUKAMATI 8:54

Jisunii khekalatle, “Inii guroi- napii n-gu tam matoi leponii, gumah tam kamatoinii samah kado makle, nlenii gonyii mah saralesii gonyiinii tam kalei, gu pfii ah teinii n-gu tam matoipyiile.

LUKNII KARYII KABI RASAM JUKAMATI 19:17

Teito mpounii ah dakii tamle, ‘hangkapii bitakle, kikalei kabipii, nangnii mah kacheng go kamalum jangpiinii, Inii n-go namdi keariigo kaju mah teimaham tei kaipyii tangle.’

1 PITAR 3:4

Nlenii gonyiimah ngou kabi tei gonyii lungto kalei mikpii ngou kasu kasangmei, kamanoi ninado kamajung mah gasang gakalak ngoukabi jairali tei haitang karamle, hangkapii maikateeng tiisii Saraanii kapoi tei ai kakum ngoukabi aile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

JONNII KARYII KABI RASAM JUKAMATI 7:18

Mpoumah teimaham kito tam kalei ah teinii mpouroinapii mpougo tam kamatoi fiileile, nlenii mpougo lang kamagong ahgo tam kamatoi fiikalei ahteinii kasangle sateichii kasang kasu tei ah dato gale.

ROMMEI 2:29

Nlenii alungto Jehudimei katii teipii Jehu- dimeile sateichii ryiikabam agekpii supiinii rangiipii alungmah tiigyii kamalem, teipii kasang tiigyii kama- lemle mpougo tam kamatoi teinii meinah dato makle, nlenii Saraa datole.