JONNII KARYII KABI RASAM JUKAMATI 11:52 - KARANU KABI SAMTAM

⁵² Sateichii lui hang jangpii roinii supiinii, marou maruksii kalei Saraa mah nahmei hang go mpounii hangninii tiisii poido poi nkom tang karam jangpii- niile katupii mpounii teipiikum tei kanat kajum Tingditupii tiisii, mpounii Saraa sam saa mpatle.

JONNII KARYII KABI RASAM JUKAMATI 11:52 Referans Kwoze

JONNII KARYII KABI RASAM JUKAMATI 10:16

Sateichii jaokoi aiki haikasu gumah jao kakido leile; ahnyii goteido Inii pang gong tang karamle, ninado ahnyiinii gumah roktei shii tangle; sateichii ahnyiinii Jaoka- koipii hangniniigo kaswisii jaokoi hangninii tiitangle.

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

1 PITAR 1:1

Jisu Kristamah tiilamlwi kapyii- mei hangninii tiisii kalei Pitar dato– Pontas, Galati, Kepadosi, Asia, ninado Betani bamlyii hang kito sapumnah tiisii marou maruksii lungkalei Saraanii kalai kalumei hang dakii:

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

ROMMEI 3:29

Mak-kii Saraa ai Jehudimei mah Saraa roiniipo? Mpou ai lui kakimei hang mah Saraado makpo? Nle, lui kakimei hang mahdole.

LUKNII KARYII KABI RASAM JUKAMATI 2:32

Nangnii lui kakimei hang dakii gomah kamaning kamarei tei mangoutang karam jangpii, kava hangninii sateichii Gomei Isrelmei lui mah pumtei kava tei tiipyiile.”

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

IPISAMEI 3:11

Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

IPISAMEI 1:5

Jisu Krista paikito Saraanii nyiihang go mpou nahmei tiimatu tangle katu tei satto takle–ai ai mpoumah kamaning kamarei teile.

ROMMEI 4:17

Abrahamnii kamalum, kataigo tiimaring kapyii sateichii mpoumah kakhatsam teipii kamarong hangtei tii-mpat kapyii Saraa mah mikjot kito riishii tii kapyii tei bitakle: kabi rasam kito katam takumpii, “Inii n-go lui hangkii mah pfii tiipyii takle.”

TIILAMLWI KAPYIIMEI THA JUKAMATI 18:10

kadaponii Inii n-go kaswipyii leile sateichii mei hang- ninii kaniido n-go tiimashyii tang karam jangpii denglakle, kadapokii namdi aikito gumei hangkii leile.”

JONNII KARYII KABI RASAM JUKAMATI 12:32

Sateichii sazyii pouryiito poimakhii sekchii, meihang gotei gudakii Inii chyii gong tangle.”

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

JONNII KARYII KABI RASAM JUKAMATI 1:12

Nlenii mpougo lukakaimei hang go, mpou zei kito malum kalumei hang go, Saraamah nahmei tiimatu tang karam mah teimaham tei mpounii pyiitakle;

1 JON 3:1

Julo, nyiigo Saraamah nahmei tiipyii tang karam jangpii Pfiinii nyii phyiiryiikii kadaziikapii lungsyii pyiitakpo? Sateichii nyiinii teitei miwo takle, kaang aijangpii sazyii pouryiinii nyiigo timakle, dapokii sazyii pouryiinii mpougo timakle.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

LUKNII KARYII KABI RASAM JUKAMATI 15:8

“Mak-kii sapwimei hangninanii sanahgyii kearii kabam kito, mpou- peinii sanahgyii hangninii maga ailepochiinii, thaomi maseisii ki kalung beksii teitei dou kasuta fiilak tang karam sapwimei ta leipo?