JONNII KARYII KABI RASAM JUKAMATI 11:25 - KARANU KABI SAMTAM

²⁵ Jisunii mpoupei dakii tamle, “Ringkakhii ninado karing tei I-le, n-gu kamalum mei hangteinii tai ai kido ringtangle;

JONNII KARYII KABI RASAM JUKAMATI 11:25 Referans Kwoze

1 THESOLONIKAMEI 4:14

dapokii Jisunii katai sateichii ringkakhii tei nyiinii malum leponii, tei takumpii, Jisumah paikito tai kaleimei godo Jisugo kaswisii Saraanii pang gong tangle.

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

JONNII KARYII KABI RASAM JUKAMATI 1:4

Mpou dato karing tei leile, sateichii karing tei meinah mah kava teile.

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

JONNII KARYII KABI RASAM JUKAMATI 6:44

N-gu lang kamagong Pfii teinii ahgo gudakii chyiigong pyii suleponii, mei kaniido guda gongpei wolakle, sateichii Inii mpougo kalui piinei leimik tiimaringpyii tangle.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

JONNII KARYII KABI RASAM JUKAMATI 6:35

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

MATIMANGOU KAPYII 21:4

Sateichii ahnii ahnyiimah mik kiteito mikdwi hangtei piit toipyii tangle; kataido leikei lakle; sateichii madaksii magee katu ninado kahat tei leiloi lakle, sateichii katchii kanhii teido leiloi lakle, kadapokii kareimah hangtei maju aitakle.”

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

MATIMANGOU KAPYII 20:5

Tai kalei ka- mashak kakimei hangteinii tingkum tangkii tei sang kasuta ring gong- makle, ai ai karei ringkakhii teile.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 5:26

Kadapokii Pfii dateito roinii karing tei kalei takumpiinii mpounii nah sapfii mpou datei kado mpou dato roinii karing tei leimatu tang karam pyiitakle.

MATIMANGOU KAPYII 22:17

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

PILIPIMEI 1:23

Inii tiilung aikito tat maju wosii Kristago kaswisii bamtunyii takle, kadapokii teiteinii bisang bibwile, tei hang- namah kak kiteito n-gu biitnai bamsii leitakle;

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

2 KORENMEI 4:14

Kadapokii Saraanii Bangpii Jisugo tiimaringpyiile katu tei nyiinii tile. Mpounii Jisugo tiimaring kapyii takumpii, nyiigodo mpounii tiima- ringpyii tangle katu tei nyiinii tile; sateichii mpounii gonyiigo kaswisii nyiigo Jisunii kalei niteikii pang gongpyii tangle.

ROMMEI 4:17

Abrahamnii kamalum, kataigo tiimaring kapyii sateichii mpoumah kakhatsam teipii kamarong hangtei tii-mpat kapyii Saraa mah mikjot kito riishii tii kapyii tei bitakle: kabi rasam kito katam takumpii, “Inii n-go lui hangkii mah pfii tiipyii takle.”

LUKNII KARYII KABI RASAM JUKAMATI 23:43

Teito Jisunii mpou dakii tamle, “Kasangpii Inii n-go tam leile, tingnei nangnii n-gu kaswisii kasaga bamki bam tangle.”

1 KORENMEI 15:29

Aitoinii kataimei jangpii dwi mpum kalu ahnyii tei kadapei tii- tangpo? Kadapeigo kaswi tanglesii ahnyiinii maning malum leipo? Mei kangkanii tam kalei, katunii, katai- mei ai ringkhii tang karam gale, katu ai kasangle leponii, kada tiisii ahnyii tei kataimei jangpii dwi mpum aitakpo?

1 KORENMEI 15:18

Teitii leponii Krista dato taikalei kamalum mei teido maga takle.

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.