JONNII KARYII KABI RASAM JUKAMATI 10:16 - KARANU KABI SAMTAM

¹⁶ Sateichii jaokoi aiki haikasu gumah jao kakido leile; ahnyii goteido Inii pang gong tang karamle, ninado ahnyiinii gumah roktei shii tangle; sateichii ahnyiinii Jaoka- koipii hangniniigo kaswisii jaokoi hangninii tiitangle.

JONNII KARYII KABI RASAM JUKAMATI 10:16 Referans Kwoze

1 PITAR 2:25

Kada- pokii gonyiinii Jaonah takumpii maga aisii tat tutakle, nlenii aitoinii Jaokakoipii ninado gonyii rangiigo jukapyiipii Kristada gonyiinii nlai gong takle.

JONNII KARYII KABI RASAM JUKAMATI 11:52

Sateichii lui hang jangpii roinii supiinii, marou maruksii kalei Saraa mah nahmei hang go mpounii hangninii tiisii poido poi nkom tang karam jangpii- niile katupii mpounii teipiikum tei kanat kajum Tingditupii tiisii, mpounii Saraa sam saa mpatle.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

JONNII KARYII KABI RASAM JUKAMATI 10:27

Gumah jaohangnii gumah roktei shiile sateichii Inii ahnyiigo tile ninado ahnyiinii gutai swile.

JONNII KARYII KABI RASAM JUKAMATI 10:11

“Inii kabi Jaokakoipii teile. Kabi Jaokakoipii teinii mpou mah Jaonah hang jangpii mpou mah karing tei pyiile.

MATIMANGOU KAPYII 3:20

Julo, Inii takam pibangto satsii kakhii leile, mei kata hangninanii gumah roktei shiisii takam tei laatpyii leponii, Inii ah dato liit tosii, Inii ahgo kaswisii sateichii ahnii n-gu kaswisii chii sak njoitangle.

1 PITAR 2:10

Tinglang hang- ninii kinii gonyiinii Saraamah mei makle, nlenii aitoinii gonyii ai Saraamah mei tei takle, tinglang hangninii kinii Saraamah lungkasyii tei gonyiinii doumakle, nlenii aitoinii mpoumah lungkasyii tei gonyiinii doutakle.

2 THESOLONIKAMEI 2:13

Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle.

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

TIILAMLWI KAPYIIMEI THA JUKAMATI 22:14

Teito mpounii tamle, Nyiipei nyii- paomei mah Saraa teinii n-go mpoumah kamaning tikabui, kasang kamajyiipii gotei ngoumatu tang karam sateichii mpou mwi kito mpou roktei shii matutang karam jangpii kalai mpatpyii takle;

TIILAMLWI KAPYIIMEI THA JUKAMATI 18:10

kadaponii Inii n-go kaswipyii leile sateichii mei hang- ninii kaniido n-go tiimashyii tang karam jangpii denglakle, kadapokii namdi aikito gumei hangkii leile.”

TIILAMLWI KAPYIIMEI THA JUKAMATI 15:14

Saraanii mpou zei jangpiinii lui kakimei kak kito meigo poi mpat tang karam jangpiinii karei kito kada takumpiinii mikjot tei jupyiipo katu tei Simonnii tam mpatpyii takle.

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

JONNII KARYII KABI RASAM JUKAMATI 10:2

Nlenii ki takam kito tat kaliit ah teinii Jao mah Jaokakoipii teile.

1 PITAR 5:4

Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.

JONNII KARYII KABI RASAM JUKAMATI 10:3

Ki takam kakoipii teinii mpou jangpii ki takam tei laatpyiile sateichii mpou mah jaohang teinii mpourok tei shiile, sateichii mpounii mpoumah jao hang gotei mpou mpou zei tei latsii saba pangpatpyiile.

JONNII KARYII KABI RASAM JUKAMATI 10:4

Mpounii mpoumah hangtei saba pangpat sek-kii, mpounii ahnyii doi reisii tatleile sateichii jaohang teinii mpoutai swi leile, kadapokii ahnyii- nii mpoumah roktei tile.

JONNII KARYII KABI RASAM JUKAMATI 10:5

Ahnyiinii mei kakimei taitei swisang swilakle, nlenii ahnyiinii ah dato pakga tangle, dapodinchii ahnyiinii mei kakimei mah roktei timakle.”

JONNII KARYII KABI RASAM JUKAMATI 17:20

“Sateichii ahnyii jangpii roinii Inii riita makle, nlenii ahnyii mah samtam kito malum kalu ahnyii jangpiido,

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

LUKNII KARYII KABI RASAM JUKAMATI 15:8

“Mak-kii sapwimei hangninanii sanahgyii kearii kabam kito, mpou- peinii sanahgyii hangninii maga ailepochiinii, thaomi maseisii ki kalung beksii teitei dou kasuta fiilak tang karam sapwimei ta leipo?