JONNII KARYII KABI RASAM JUKAMATI 10:14 - KARANU KABI SAMTAM

¹⁴ Inii kabi Jaokakoipii teile.

JONNII KARYII KABI RASAM JUKAMATI 10:14 Referans Kwoze

JONNII KARYII KABI RASAM JUKAMATI 10:27

Gumah jaohangnii gumah roktei shiile sateichii Inii ahnyiigo tile ninado ahnyiinii gutai swile.

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

JONNII KARYII KABI RASAM JUKAMATI 10:11

“Inii kabi Jaokakoipii teile. Kabi Jaokakoipii teinii mpou mah Jaonah hang jangpii mpou mah karing tei pyiile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

IPISAMEI 3:19

sateichii meinah swipii tipei kalak Kristamah lungkasyii tei tikabui jangpii, katunii Saraamah katokryii hang teipii gonyiinii tokryii matu tang karam jangpii, Inii khangleile.

JONNII KARYII KABI RASAM JUKAMATI 17:8

Kadapokii nangnii gudakii kapyii samhang tei Inii ahnyii dakii pyiitakle sateichii ahnyiinii teitei lukaiwo takle, sateichii Inii godato gongle katu tei ahnyiinii kasangpii titakle sateichii nangnii n-gu lang magongle katu tei ahnyiinii malum takle.

MATIMANGOU KAPYII 2:19

Gomah tha, gomah lungkasyii, gomah kamalum, gomah nga kanga ninado gomah lung leh kati tei sateichii gomah kana tha teinii kareiki sung kile katu Inii tile.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

MATIMANGOU KAPYII 3:15

“ ‘Gomah tha hang tei Inii tile, Nangnii majungdo majung makle, thiido thiimakle. Nangnii majung katu mak-kii thii katu Inii mareile.

MATIMANGOU KAPYII 3:8

Nangnii tiikalei tei Inii tile, julo, mei kaniido takampei wokalak laat kabam takam hangninii Inii godoikii kaibam takle, katunii, gomah teimaham chengniikii leile sateichii nangnii gusam swile sateichii guzeigo mazhii kasu tiimakle.

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

MATIMANGOU KAPYII 3:1

“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

JONNII KARYII KABI RASAM JUKAMATI 10:13

Mpounii pak tule dapodinchii mpounii Jao hang jangpii samah kado maningsei makle ninado janglai kalumei hangniniile.