JONNII KARYII KABI RASAM JUKAMATI 1:4 - KARANU KABI SAMTAM

⁴ Mpou dato karing tei leile, sateichii karing tei meinah mah kava teile.

JONNII KARYII KABI RASAM JUKAMATI 1:4 Referans Kwoze

JONNII KARYII KABI RASAM JUKAMATI 8:12

Jisunii nlailoisii ahnyii dakii tamle, “Inii sazyii pouryii mah kavale; Gutai swikaleimei teinii kamyii kito tat lakle, nlenii karing mah kava tei doutangle.”

JONNII KARYII KABI RASAM JUKAMATI 12:46

N-gu kamalum mei hangteinii kamyii kito lei matulak tang karam jangpii, Inii kava tiisii sazyii pouryii gongtakle.

JONNII KARYII KABI RASAM JUKAMATI 5:26

Kadapokii Pfii dateito roinii karing tei kalei takumpiinii mpounii nah sapfii mpou datei kado mpou dato roinii karing tei leimatu tang karam pyiitakle.

JONNII KARYII KABI RASAM JUKAMATI 9:5

Inii sazyii pouryiito kaleita, Inii sazyii pouryii mah kavale.”

JONNII KARYII KABI RASAM JUKAMATI 11:25

Jisunii mpoupei dakii tamle, “Ringkakhii ninado karing tei I-le, n-gu kamalum mei hangteinii tai ai kido ringtangle;

1 JON 5:11

Sateichii sakchyii tei aile, katunii Saraanii nyii dakii kalui kaga karing tei pyiile, sateichii karing tei mpounah sapfii mpouda leile.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 12:35

Jisunii ahnyii dakii tamle, “Nlailoisii tinglang shangniikii kava tei gonyii go kaswisii gonyii kak kito leitangle, kamyii tei gonyii phyiiryii gong kasu tiisii, gonyiinii kava tei dou kalei kak-kii, tatlo, kadapokii kamyii kito tat kalei mei teinii kadaki tatziipo katu ahnii timakle.

IPISAMEI 5:14

Teijangpii aitiisii tamle, “Gungkhii wolo; O, ziitsii kalei nang, sateichii katai kiteito ringkhii wolo, sateichii Kristanii go phyiiryiito vapyii tangle.”

METIU 4:16

Kamyii kito lungkaleimei teinii kava kadi tei ngoutangle. Katai mah kamyii sazyii kito lungsii kalei ahnyii phyiiryiito vaipyii tangle katu sam ai kasangpii gong matwi matutang karam jangpiile.

KOLOSIMEI 3:4

Gonyiimah kasang karing tei Kristale, sateichii mpounii kagongki gonyiiniido mpougo ka- swisii gongsii mpoumah pumtei kava tei njaitangle.

TIILAMLWI KAPYIIMEI THA JUKAMATI 26:23

Kristanii kada takumpii kamage kalak leh tangpo, sateichii mpounii kada takumpii katai kito ringkhii karei tiisii, mpou lui dakiido, lui kakimei dakiido kalei kapyii kava rasam ai tam ralipyii tang karamlesii lungkakalingmei hangniido, Moses- niido pat tang karam tam kabam sam teisupiinii samah kado Inii tam makle.”

LUKNII KARYII KABI RASAM JUKAMATI 2:32

Nangnii lui kakimei hang dakii gomah kamaning kamarei tei mangoutang karam jangpii, kava hangninii sateichii Gomei Isrelmei lui mah pumtei kava tei tiipyiile.”

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

MATIMANGOU KAPYII 22:16

“Jisu, Inii Charsh hang jangpii gonyii dakii aihang ai sakchyii pyiimatu tang karam jangpii gumah sating gamluigo lang magong takle. Inii vakabi sagei tingtang pwi, Devit mah maa ninado tatreng teile.”

1 KORENMEI 15:45

Kadapokii kabi rasam kito tamle, “Meinah karei reisang, Adam, gotei meinah karing hangninii tiipyiile;” nlenii kana nasang, Adam teinii karing kapyii rangii teile.

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

JONNII KARYII KABI RASAM JUKAMATI 3:19

Sateichii samtak katii tei aile, katunii Kava tei sazyii pouryii gongtakle, nlenii meinahnii kava goteisung kamyii gotei kisii maraile, dapokii ahnyiimah tha hangtei shyiile.

1 JON 1:1

Nukarei kito kabam, nyiinii shiikalu, nyii mikpiinii ngou kalu, nyiinii ngou wosii nyii bahpiinii dengkalu karingmah samkangmah kaang kito–