JONNII KARYII KABI RASAM JUKAMATI 1:12 - KARANU KABI SAMTAM

¹² Nlenii mpougo lukakaimei hang go, mpou zei kito malum kalumei hang go, Saraamah nahmei tiimatu tang karam mah teimaham tei mpounii pyiitakle;

JONNII KARYII KABI RASAM JUKAMATI 1:12 Referans Kwoze

GALATIMEI 3:26

Kadapokii gonyiihangnii kama- lum paito Krista Jisugo gonyiinii njasii hangninii tiikalu kito Saraamah Nah meihang takle.

ROMMEI 8:14

Kadapokii Saraa mah rangiinii chyiitatsii kalei hangteinii Saraa mah nah sapfiimeile.

1 JON 3:1

Julo, nyiigo Saraamah nahmei tiipyii tang karam jangpii Pfiinii nyii phyiiryiikii kadaziikapii lungsyii pyiitakpo? Sateichii nyiinii teitei miwo takle, kaang aijangpii sazyii pouryiinii nyiigo timakle, dapokii sazyii pouryiinii mpougo timakle.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

JONNII KARYII KABI RASAM JUKAMATI 3:18

Mpougo kamalum mei goteinii samtak tiipyii makle, malum kasu- mei hang goteinii samtak tii aitakle, kadapokii mpounii hangniniisang hangninii roinii kalei Saraa nah sapfii mpou gotei malum makle.

KOLOSIMEI 2:6

Gonyiinii Krista Jisugo Bangpii tiisii lukai kalu taiswisii gonyiigo ralikapyii takumpii mpougo kaswisii hangninii tiisii lunglo.

METIU 10:40

“Gonyiigo lukakai mei teinii n-gu lukaile, sateichii n-gu lukakai mei teinii n-gu lang kamagong ah go lukaile.

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

2 PITAR 1:4

Hangkapii kadi ninado pyiitangle sii riishii tiikabam maika- teeng luha hangtei aitiisii mpounii nyiigo pyiile, kadapokii luha aihang paikito sazyii pouryii lungto kalei tiikamashyii pumzai mah kamarei ka-ntha kiteito gonyiinii nlek matu tang karam jangpii, sateichii nunuto kalei kamatei baichem mah njai tei gonyiinii dou njoimatu tang karam jangpiile.

METIU 12:21

Sateichii mpou zei kito lui kakimei hangnii maning malum tangle.”

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

TIILAMLWI KAPYIIMEI THA JUKAMATI 3:16

Sateichii mpougo kamalum kito gonyiinii ngou kalei ninado tikalei sapfii mpou aigo mpou zei teipiinii tiisangtingpyii takle; nle mpou paikito kamalum tei piinii gonyiihang doito mpougo tii-mbi kapyii ai pyiitakle.

JONNII KARYII KABI RASAM JUKAMATI 11:52

Sateichii lui hang jangpii roinii supiinii, marou maruksii kalei Saraa mah nahmei hang go mpounii hangninii tiisii poido poi nkom tang karam jangpii- niile katupii mpounii teipiikum tei kanat kajum Tingditupii tiisii, mpounii Saraa sam saa mpatle.

JONNII KARYII KABI RASAM JUKAMATI 1:7

Mpounii teimah kava mah kaang kito sakchyii pyiitang karam jangpii, kalei kaga hangnii mpou paikito malum matutang karam jangpii, mpounii sakchyii pungtang karam jangpii gongle.

METIU 18:5

Sateichii ai kakum nahmei kacheng hangniniigo guzei kito lukaipyiisii kalei meitei n-gu lukaiziile.

JONNII KARYII KABI RASAM JUKAMATI 2:23

Jisunii kaakamaju takbai tinglangki Jerosalem kito kabam ki kak, mpounii tiikamangou hangtei ngou wosii meihangkanii mpougo malum wotakle.

JONNII KARYII KABI RASAM JUKAMATI 1:11

Mpounii lungkalei mpou sazyiiki mpounii gongle, nlenii mpou sazyii kito lungkalei mpoumeinii mpougo lukaipyii makle.

ROMMEI 8:16

Nyii hang Saraa mah nahmeile katu rangii sekpiinii nyii mah rangii go sakchyii kapyii teile.

ROMMEI 8:19

Kadaponii baichem hangnii Saraa mah nahmeihang gotei mangou tang karam gotei saryiisii koisii bamle.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.