JEMS 3:17 - KARANU KABI SAMTAM

¹⁷ Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

JEMS 3:17 Referans Kwoze

JEMS 3:15

Tei kakum swirek kabi tei sagoi gamto kahum tei makle, nlenii tei- teinii sazyii pouryiito, rangiimah kasu, sara kashyii mahle.

ROMMEI 12:9

Lungkasyii tei matwisii kasang tang karamle, kashyii gotei nraanglo, kabi tei tiigatpii jumlo;

JEMS 1:17

Kabi ninado sajek kaga luha hang ai sating gamtole, sakhii leimik nryiisii kalei teipiinii myiimatu kasu mak-kii, kali kasu sating gam mah kava hang go tiika- pyiipii Saraa dato gongle.

JEMS 1:5

Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.

1 JON 3:18

Gunahmei, nyiinii samkangpii ninado sam katam kamalhiipii lungsyii sude, nlenii tha teipii sateichii kasang teipii kalungsyiide.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

METIU 5:8

“Lung kamateimei tei sadoi bile, kadapokii ahnyiinii Saraago ngoutangle!

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.

LUKNII KARYII KABI RASAM JUKAMATI 21:15

Kadapochiinii gonyiigo ngou karoumei hangnii gonyii phyiiryiito nryiipei kalak mak-kii malhiipei kalak samtam ninado swirek kabi tei Inii gonyii dakii pyiitangle.

LUKNII KARYII KABI RASAM JUKAMATI 6:36

Gonyii pfiinii lungsyii kati takumpii gonyiido lungsyii tilo.

HEBRUMEI 12:14

Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.

2 TIMOTHI 2:24

Sateichii Bangpii ki kaleimeinii ka n-gi kajyii leimakle, nlenii bamlyiihang kito lung kamanoi rali kati lung leh kati,

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

JEMS 2:4

gonyii roinapii gonyiinii gonyii kak kito kasagoi kasana tiisii poitaam katu sateichii kashyii kahong swi teipii samtak katii tii aitak makpo?

HEBRUMEI 12:11

Tiikamajyii hang ai manoisek jangpiinii nta tang karam tei ngoumakle, nlenii kama- gele; nlenii aitai kana kinii teipiinii tiiralipyii kabam doukalumei hang dateito kasang kamajyii mah kamajung riiti tei mati leile.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

ROMMEI 15:14

Kangsanamei, kabipiinii gonyii dato tokryiisii leile, swirek kati hang doutakle sateichii hangninanii hang- niniigo tampyii ralipyii buile katu tei Iniido gonyii kaang kito malum takle.

1 KORENMEI 12:8

Kadaponii mei hangninii dakii rangii paikito swirek kabi samtam, sateichii mei kaki hangninii dakii njoi katu rangii teinii swirek kati mah samtam tei pyiibam takle;

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

1 TIMOTHI 5:21

Meiju jusii kagu kaphang mah kado tiisupii, reipii samtak katii tei haisupii nangnii sam hang ai ryiikabui tiisii, Saraa doito, Krista Jisu doito, sateichii kalai kalumei hang doito Inii godakii pyii leile.

TIILAMLWI KAPYIIMEI THA JUKAMATI 11:24

Kadapokii mpou ai kabipii ninado rangii kamatei ninado kamalumpii tokryiisii kalei sapfiimei hangniniile, sateichii meimoinii Bangpiida gong mpam wotakle.

METIU 23:28

Teita- kumpiinii gonyiido poutonii meihang dakii kasang kamajyii tiitsii mangoule, nlenii lungto kabijai katii ninado kem teipiinii tokryiisii leile.

1 THESOLONIKAMEI 2:7

Nlenii gonyiinii mpounah meigo makot kalei takumpii, nyiinii gonyiigo kaswisii kalei kak, nyiinii lung ma- noile.

PILIPIMEI 4:8

Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

JONNII KARYII KABI RASAM JUKAMATI 1:47

Nathanelnii mpouda gong kalei tei Jisunii ngou wosii mpoumah kaang kito tamle, “Julo, kasang Isrelmeinah tei aiki leitakle, mpou dato samah kado tiikama gale!”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

TAITAS 3:2

mei kata hangninii phyiiryii kado tam mashyii kasu tiisii, nlenii lung manoi majung kabui tiisii sa- teichii meihang dakii lung kamanoi tei mangou kabui tiisii ahnyiigo tam maningpyiilo.

TAITAS 1:15

Kamateimei datonii mahlyiihang ai mateile; nlenii tiimahong kalei ninado malum kasu ahnyii datonii samah kado kamatei tei gale; dapokii ahnyii swi ninado kabi kashyii tikabui ahnyii mah lungswi teido tiimahong aitakle.

ROMMEI 12:18

Mazhii kabuita gonyiinii meihang go kaswisii majungsii lunglo.

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

2 KORENMEI 9:10

Sateichii lwi karalimei dakii lwirou ninado chiitak jangpii tiirok kapyii Saraa teinii gonyiimah lwirou hangtei pyiido pyiitangle, tiido tii- madipyii tangle sateichii gonyiimah kasang kamajyiimah rachet tei bimatupyii tangle.

METIU 5:9

“Tiikamajungmei tei sadoi bile, kadapokii ahnyiigo Saraa nah mei lat tangle!

2 KORENMEI 6:6

Nyiimah kamateipii, swirek katipii, leh katipii sateichii Saraa nga ka- ngameile katu tei nyiinii nyii roinapii meigo mangoule...rangii kamateipii, nyiimah kasang lungkasyiipii.

2 KORENMEI 7:11

Gonyiimah lungswi kamage katu tei gonyii jangpii Saraanii kamarei teile, sateichii julo, gonyii mah lungswi kamage katu teipii gonyii jangpii kadapei tiipyii takpo! Teiteipiinii gonyiigo tha tii- matu kanyii sateichii gonyii ai tiima makle katu tei maning kariirhii katu gasii tiimangou takle, pat kalei phyiiryii teikii gonyiinii rarhiile sateichii nlailoisii patloi tang karam gotei gonyiinii hingle. Teipii gonyiinii n-gu kamangwi, gonyiinii n-gu dangpyii kanyii, sateichii tiikama mei gotei dwisii rat kanyii tei teiteipii mpatpyii takle. Aihang mah tha ki aito pat kalei hangtei gonyiinii makle katu tei gonyiinii mangoupyii takle.

JEMS 2:13

kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.

1 PITAR 2:18

Kikaleimei, kabi ninado lung kamanoi gonyiimah apum mei dakii roinasupii manghiirang rangsii kalei apum mei dakiido gonyiimah matum madumpii sadzyii ngariit katii tei njasii gonyii roinapii gonyii mah apum mei kang nkang tang karamle.