JEMS 2:19 - KARANU KABI SAMTAM

¹⁹ Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

JEMS 2:19 Referans Kwoze

LUKNII KARYII KABI RASAM JUKAMATI 4:34

“Oh! Nazaret ki Jisu, nangnii nyiigo kadapei tiileziipo? Nang nyiigo tiikamage tang karam jangpii gong leipo? Nang tapo katu tei Inii tile, Nang Saraa mah kamatei sam katam meile.”

MARK 1:24

“Nang nyiigo dapei tiinyiipo, Nazaret ki Jisu? Nang nyiigo tiima- shyiilesii aiki gong leipo? Nang tapo katu I tile, Nang Saraa mah kamatei sam katam meile.”

METIU 8:29

Sateichii julo, ahnyiinii saa mpatle, “He Saraa nah Sapfii mpou, nangnii nyiigo kaswisii kadapei tiitang karam leipo? Tinglang tei gong kasunakii nangnii nyiigo tiimagapyii lesii aiki gonglei takpo?”

TIILAMLWI KAPYIIMEI THA JUKAMATI 16:17

Sapwi mpei ainii Pol ninado nyii tai swigong sanii saa mpatle, “Nyii dakii keikapyii kasaga karing mah pwidi tam ralipyiisii kalei mei hang ai sagoi kaki Saraa mah kikaleimeile.”

GALATIMEI 3:20

Aitoinii akakto katat hangninii teinii matikapyii tei hangninii sung kile, nlenii Saraanii hangniniile.

TIILAMLWI KAPYIIMEI THA JUKAMATI 19:15

Sateichii kashyii rangii teinii ahnyii dakii khekalatle, “Inii Jisu godo, Pol godo tile, nlenii gonyii tapo?”

MARK 5:7

Sateichii mpou- nii rok sagoisii saasii tamle, “Kasagoi goisang Saraa nah sapfii mpou, Jisu! Nang n-gu dapei tiileziipo? Saraa zei kito Inii n-go khangleile, n-gu tiikamage seisulo.”

1 TIMOTHI 2:5

Kadapokii Saraa hangninii leile sateichii Saraa ninado meinahgo poigong nja kapyii hangniniido leile;

MARK 12:29

Jisunii mpougo khekalatle, “Kakhat sam hang kak kito karei reisang teinii aile; ‘oh, Isrelmeinah shiipyiilo, nyii Bangpii nyii Saraa teinii Bangpii hangninii roile.

1 KORENMEI 8:6

nyiijangpiinii Saraa hangninii, katunii, Apfii tei leile; mpou dato mahlyii hang patle, sateichii nyiinii mpou jangpii ring leile, sateichii Bangpii hangninii katunii, Jisu Krista tei leile; mpou paikito mahlyiihangdo nyiihangdo ring leile.

ROMMEI 3:30

Saraanii hangniniile, tei taiswisii tiigyii malem kaleimeigo ahnyii mah kamalum kito sateichii tiigyii malem kasumeigo ahnyii mah kamalum paikito mpounii tiimajyii pyiitangle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JUD DATO KAGONG CHITI JUKAMATI 1:6

Sa- teichii ahnyiigo pyiikabam teimaham mah bam kiteito bam supiinii, ahnyiimah lungkalei bam toikalei sating gamlui hang gotei mpounii samtak tiitang karam leimik kadi jangpii tuk kaki kamyii kiteikii kalui gasii sagyiirengpii peisii kaibam takle.

JEMS 2:8

Kabi rasam kito katam taiswisii, “Nangnii gopum sekgo lungkasyii takumpiinii goki tiinaniipameigo lungsyii tang karamle” katu sagong- mah ajaitingshang tei tiimatui tiima- sang woleponii, kasangpii nang tiimatou takle.

1 KORENMEI 8:4

Teijangpiinii tingtu dakii pyiitoi kalei chiitakgo kachii mah kaang kitonii, “Tingtuparam teinii kasang karing tei gale,” sateichii “hangninii tei roisupiinii Saraa kaki gale katu nyiinii tile.”

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.

MARK 7:9

Teiroi supii Jisunii ahnyii dakii tamle, “Saraanii kakhat kapyii samtam gotei mazhii kalak pwidi kabi tei gonyiinii fii leile, ndou katingmei mah jaitingshang gotei gonyiinii switang karam jangpii.”

TIILAMLWI KAPYIIMEI THA JUKAMATI 24:25

Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”