JEMS 1:5 - KARANU KABI SAMTAM

⁵ Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.

JEMS 1:5 Referans Kwoze

JONNII KARYII KABI RASAM JUKAMATI 15:7

Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

JONNII KARYII KABI RASAM JUKAMATI 14:13

Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.

JEMS 5:16

Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

JEMS 1:17

Kabi ninado sajek kaga luha hang ai sating gamtole, sakhii leimik nryiisii kalei teipiinii myiimatu kasu mak-kii, kali kasu sating gam mah kava hang go tiika- pyiipii Saraa dato gongle.

METIU 11:20

Jisunii mpoumah sung kaga tha kamoilam tiikamangou namdi hang kito lungkalei mei hang go n-gitu takle, kadapodinchii ahnyiinii lungkali makle.

2 KORENMEI 2:16

Kadapokii maga kaleimei jangpiinii, ai ai gisii kalei manam kashyii katai kai teile; nlenii keikapyii doukalu ahnyii jangpiinii, ai ai karing poigong kapyii manam kabi keirum teile. Teitiileponii, tei kakum tha tiitang karam jangpii tanii tiimajyiipo?

MARK 16:14

Kana nasang kito Jisunii kea- riisakankii dakii mangoule ahnyii mahchii kalei kak, mpounii ahnyiigo n-gile, dapokii ahnyiinii lung teisii malum kasu jangpii ninado mpounii ringkhii kalu tei mpougo ngou kalumeigo ahnyiinii malum kasu jangpii.