JEMS 1:3 - KARANU KABI SAMTAM

³ Kadapokii gonyiimah kamalum mah jaikaju teipii kasangting tei pung gongle katu gonyiinii tile.

JEMS 1:3 Referans Kwoze

HEBRUMEI 10:36

Kadapokii gonyiinii Saraamah kamaning kamazhii tei tiitang karam jangpii sateichii mpounii riishii tiikabam tei doutang karam jangpii, gonyiinii lung lehti tang karam kabi ai leile.

KOLOSIMEI 1:11

Ka-nta tei njasii lunglum kati sateichii lungleh kati hang kito, mpoumah pumtei kavamah teima- ham taiswisii pumtei hang teipiinii gonyiigo tiisangting pyiisii,

1 PITAR 1:7

Tiimashyiiwo kabui sona katangdo, ahmah matei kasu kahong hangtei rutoitang karam jangpii mipiinii jaijuleile; teitakumpii sona sung kisii maiteeng kaki gonyiimah kamalum tei gonyiinii dousii kalei kamage kalak hangteipii jaiju tang karamle. Gonyiimah kamalum teinii leh wosii satto leponii, Jisu Kristanii kagong piinei leimik gonyiinii tam kamatoi, pumtei kava ninado sadzyii ngariit katii tei Saraa dato doutangle.

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

2 KORENMEI 4:17

Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

ROMMEI 15:4

Kadaponii kabi rasam kito ryiikabam mah leh kati sateichii lung tiimadi kapyii paikito nyiinii maning kamalum tei doutang karam jangpii leimik karei kito ryii kabam hangtei nyiigo ralipyii tang karam jangpii ryiibam takle.

2 PITAR 1:6

gonyiimah swirek kati kiteikii gonyii roinapii gonyii pumpotgo jum kamajyii jum kamatwi, gonyii pumpotgo jum kamajyii jum kamatwi kiteikii lung leh kati, gonyiimah lung leh kati kiteikii Saraa kamaning.

ROMMEI 8:25

Nlenii nyiinii ngou kasu gotei maning malum leponii teigotei nyiinii lehsii koileile.

HEBRUMEI 12:1

Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.

2 THESOLONIKAMEI 3:5

Sateichii Bangpiinii gonyii lung- tei Saraamah lungkasyii ninado Kristamah lung leh kati kiteikii chyiitat pyii matulo.

2 THESOLONIKAMEI 1:4

Teijangpii gonyiinii dousii kalei kamage kalak ninado kaset kalak hang kiteito gonyiimah lung kasangting lung leh kati ninado kamalum jangpii Saraamah charsh hang kito gonyii jangpii nyiinii detdisii leile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

LUKNII KARYII KABI RASAM JUKAMATI 21:19

Gonyii mah leh kati teipiinii gonyiinii gonyii mah karing tei doutangle.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.