JEMS 1:21 - KARANU KABI SAMTAM

²¹ Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.

JEMS 1:21 Referans Kwoze

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

1 PITAR 2:11

Lungkasyiimei, gonyiinii sapum- nah tiisii ninado shangniikii jangpii lungkalei sazyii pouryii meinah tiisii! Tinglang kaleita gonyii mah rakot go saryii tiisii kalei, pumzaimah kamaning kamarei hangtei tiisulosii Inii gonyiigo khang leile.

JONNII KARYII KABI RASAM JUKAMATI 6:63

Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

HEBRUMEI 12:1

Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

TAITAS 2:11

Kadapokii meihangmah keika- pyii karing jangpii Saraamah jumage kapyii tei gongpyii takle.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

HEBRUMEI 4:2

Kadapokii ahnyii dakii tam rali kapyii takumpii nyii dakiido kabi rasam tei tam ralipyii takle; nlenii shii kalu samtei ahnyii jangpii mah kado kabi gale, daponii katam kaswimei teinii kamalum tei njasii teigo tei lukai makle.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

1 KORENMEI 15:2

Teiteinii gonyii dakii Inii tam ralikapyii kabi rasam mah samtam teile. Inii gonyiigo tam ralikapyii kabi rasam teipiinii gonyiigo keipyii takle, tei kito gonyiinii tiigatpii satsii lei suleponii, gonyiinii matapii malum tutakle.

ROMMEI 6:17

Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

1 PITAR 1:9

Gonyiinii hangkapii nta rangale, dapokii gonyiinii Jisu Kristago kamalum kito doukalu, kei- kapyii karing tei gonyiigo pyiitakle.

ROMMEI 11:17

Nlenii tingkaa kangkanii tuiga leponii sateichii nangnii Saraa- mah sungchyiibang tiisii ahnyii kak-kii n-go masetkai pyiisii sung- chyiibang mah njai tei ahnyii go kaswisii nangnii dou njoisii leileponii.

TIILAMLWI KAPYIIMEI THA JUKAMATI 10:33

Teijangpiinii Inii tei- tinglang sek-kii, godakii lang mpatle, sateichii nangnii lungsyiisii gong kapyii ai hangkapiinii bitakle, teijangpii Bangpiinii godakii kakhat kabam samhang tei shiitang karam jangpii nyii meihangnii aitoi Saraa doito sat leile.”

METIU 5:5

“Lungkamanoi meitei sadoi bile; kadapokii sazyii pouryii ai ahnyiinii towtangle!

1 THESOLONIKAMEI 1:5

katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile.

IPISAMEI 5:4

Gonyii kak kito tamjyii kasu katham karaam sam, kapang kamang sam, mak-kii dok tiikasu sam tei gasii, teitungpii gonyiinii Saraago hakalang tei pyii matulo.

IPISAMEI 4:25

Teijangpiinii kasang kasu tei rat toi aisii, gonyiihangnii mpou mpoumah kitiinah napameigo ka- sang tei tamlo. Kadapokii nyiihang ai Kristamah pum kito kaswisii kaleimei hangle.

JEMS 5:20

kem katii hangniniigo ahmah kama pwidi kito pang nlai kagongmei hangteinii kem katii- piimah rangii tei katai kito keipyii tangle sateichii kama hangkii maga kapyii tei pung gong tangle katu tei ahnii timatulo.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.