JEMS 1:12 - KARANU KABI SAMTAM

¹² Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

JEMS 1:12 Referans Kwoze

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

JEMS 5:11

Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

METIU 10:22

Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.

1 KORENMEI 9:25

Nhok kamaga katuki hai kaleimei hang- teinii mahlyii hang kito mpou pumgo pungmatui pung majyiisii bamle. Ahnyiinanii gatu kabui kangam phyiihung tei doutang karam jangpii teitei tiileile, nlenii nyiinanii gatu kalak kangam mah phyiihung tei doutang karam jangpiinii tiileile.

1 PITAR 3:14

Nlenii gonyiinii kasang kamajyii jangpii kamage kalak doutuchiido, gonyii sadoi bile! Ahnyiigo hing sulo, lungdo mage sulo.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

1 PITAR 5:4

Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

1 KORENMEI 8:3

Nlenii mei kata hangninanii Saraago lungsyii leponii, ahgo mpounii titakle.

MATIMANGOU KAPYII 3:19

Inii lungkasyii hang go duido duile, raatdo raatle, teipiinii lungnhiilo sateichii lung kaliwolo.

HEBRUMEI 10:32

Maning gonglo, tinglang ka- reiki gonyiinii kada takumpii leipo: teitinglang dou, gonyii phyiiryiikii Saraamah kava mangoupyii kaleitai, gonyiinii kamage kalak hangkii doule, nlenii teiteinii gonyiigo ngamwo makle.

HEBRUMEI 6:15

Sateichii aitiisii mpounii lung lehti sii leh kalu kito riishii tiikapyii tei doutakle.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

HEBRUMEI 11:17

Abraham go jaikaju tinglang kak, kamalum kito mpounii Isak go kakarat pot hangninii tiisii Saraa dakii pyiitoi aitakle, sateichii riishii hang doukalu ah teinii mpounah sapfii mpou fiilipiigo tei kakarat pot hangninii tiisii Saraa dakii pyiitoi tang karam jangpii tiikada wotakle;

1 JON 4:19

Nyiinii lungsyiile, dapokii mpounii nyiigo karei kito lungsyii- pyii takle.

HEBRUMEI 12:5

Sateichii Saraanii gonyiigo mpou nahmei takumpii lung tiikamadi sam katam tei gonyiinii mangai aitakpo? “Gunah, Bangpiinii n-go tiimajyii katu tei malasii poisulo, sateichii mpounii n-go kadwi karat tinglang kak nang lung taisulo.

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

ROMMEI 5:4

sateichii leh kati teipii Saraa mah kamazhii sateichii mpoumah kamazhii teipii doutang lesii maning kamalum tei patle katu tei nyiinii tile;

2 TIMOTHI 2:15

Kasang mah samtei tiigatpii jum majyiisii kalei nroutang karam kaang kaga tha katiimei, Saraanii lukai kalumei hangninii tiisii gopum Saraa dakii pyiitang karam tei mahunglo.

1 PITAR 4:14

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.