JEMS 1:10 - KARANU KABI SAMTAM

¹⁰ sateichii mah kani kangsanapii gotei Saraanii poikasana tinglang kak, mpounii nta tang karamle, kadapokii tinghiinhii mah hiipa takumpii kani tei gatu tangle.

JEMS 1:10 Referans Kwoze

1 PITAR 1:24

Kabi rasam kito katam takumpii, katunii, “Meinah hang ai hiinhii takumle, sateichii ah mah pumtei kava hangteinii hiinhii mah hiipa takumle. Hiinhii teinii keetule sateichii hiipa teinii huiga tule.

1 JON 2:17

Sazyii pouryiido sateichii sazyii pouryiimah kamarei ka-ntha hang teido gatule. Nlenii Saraamah kamaning kamazhii katiimei teinii kalui gasii taksupii ringleile.

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

METIU 5:3

“Rangii kasuimei sadoi bile, kadapokii sating gam sazyii tei ahnyii mahle!

1 KORENMEI 7:31

sateichii sazyii pouryii mahgo kaswi kaleimei teinii teigo tei kaswi kasu takum matulo. Kadapokii sazyii pouryii ai bam mathang lak takle.

JEMS 4:14

Supounei kadapei pat tangpo katu katangdo gonyiinii timakle, gonyiimah tiilung ai kada- peipo? Gonyiinii tinglang shangniikii jangpii gongsii gakatu kamong takumle.

METIU 6:30

Nlenii tingnei ringsii kalei supouneinii tukok kikii toikaisii rutoi kalei luki hiinhii gotei Saraanii aidzyii kapiinii bisii peimani pyii leponii, oh kamalum kagamei, Mpounii gonyiigo kisii peimani pyiilakpo?

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.