IPISAMEI 6:8 - KARANU KABI SAMTAM

⁸ Kikaleimei kado apum mei kado meihang go, mpounii katii tha kabi jangpii, Bangpiinii alangh tei pyiitangle katu tei mangai sulo.

IPISAMEI 6:8 Referans Kwoze

KOLOSIMEI 3:24

Sateichii mpoumah mei jangpii mpounii kaidek kabam tei Abangpiinii gonyiigo alangh hang- ninii tiisii pyiitangle katu tei ma- ninglo. Kadapokii Krista tei nangnii nga ngakalei kasang apumpii teile.

LUKNII KARYII KABI RASAM JUKAMATI 14:14

teitii lepochiinii nangnii doibi tangle, dapochiinii ahnyiinii n-go rui kaleipyii peiwo lakle, Saraa nii n-go rui kaleipyii tangle, mei kabimei hangnii katai kito ring kakhii piinei leimik.”

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 6:4

teitiisii gonyiinii mah kagamei go tiikaha tinglang kak tei makumpii pyiilo; teidinchii makumpii ngoukalei go Pfiinii n-go lhang pyiitangle.

HEBRUMEI 10:35

Teijangpiinii alangh kadi kaswi kalei, gonyiimah maning kamalum tei rat toi aisulo.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

METIU 6:1

“Meigo mangoutang karam jangpii gonyii mah kasang kamajyii tha tei tiikasu tiisii sakai wolo, teisuleponii sating gamto kalei gonyii Pfii dato gonyii lhang doulakle.

METIU 5:12

Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

KOLOSIMEI 3:25

Sateichii tiima kaleimei hang gotei mpou mpounii tiima kabam hang jangpii powtei ruitangle, dapokii kaku ka-nraang gasii mei hang go Saraanii samtak tiile.

METIU 20:7

Ahnyiinii mpou dakii tamle, ‘mei kaniido nyiigo ngat makle,’ bitakle, teitiileponii, ‘gonyiido darkha toipyiilu kitei maasii tha tii- tulo’ sii mpounii ahnyii dakii tamle.