IPISAMEI 6:21 - KARANU KABI SAMTAM

²¹ Sateichii gonyiiniido I-kada takumpiinii leipo katu titang karam jangpii, Bangpii zei kito malum kabui tha katii ninado kamanang lungkasyii Taichikasnii gonyii dakii matum madum tam matipyii tangle.

IPISAMEI 6:21 Referans Kwoze

TIILAMLWI KAPYIIMEI THA JUKAMATI 20:4

Sateichii Biroya kito Paihus nah sapfii mpou Soptar, Thesolonikamei kak kito Aristarkas ninado Sekundas, Derbe kito Gaiyas ninado Timothi sateichii Asiya kito Taichikas ninado Trophimas, ahnyii ainii mpougo kaswisii tatle.

2 TIMOTHI 4:12

Taichikas go Inii Iphisas kikii lang matu takle.

TAITAS 3:12

Artimas mak-kii Taichikas go Inii godakii lang magong sekchii, nangnii guda Nikopolis ki gong kabuita gong kalu tiilo, kadapokii satai tinglang ai teikito Inii bam tang takle katupii satto takle.

2 PITAR 3:15

Sateichii nyii Bang- piimah lung leh kati tei keikapyii karing lesii poi wolo. Tei takumpii lungkasyii nyii sanapii Polniido mpou dakii pyii kabam swirek kati taiswisii, gonyii dakii ryiipyii takle. Mpoumah chiti karei hang ki kado aimah kaang kito mpounii tam kalei tei aile.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

PHILIMON 1:16

Aitoinii kikaleimei hangninii takumloi supii- nii, kikaleimei sung kaki lungkasyii kangsanapii hangninii tiisii routiisii gudato, nlenii godatonii pumzai kitodo, Bangpii zai kitodo, kadazii- kapii kisii lungkasyii tei tiitakpo.

1 TIMOTHI 4:6

Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

KOLOSIMEI 1:7

Saraamah jumage kapyii tei nyiitung tiisii Kris- tamah tha tiisii kalei malum kabui, nyiigo masamsii kikalei lungkasyii Ipapros dato gonyiinii shiitakle.

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.

PILIPIMEI 1:12

Kangsanamei, guphyiiryiito pat kalei hangteinii kabi rasam tei kasangpii kisii bisii timatu tang karam jangpii pat takle katu tei Inii gonyiigo matinyiile.