IPISAMEI 6:12 - KARANU KABI SAMTAM

¹² Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile.

IPISAMEI 6:12 Referans Kwoze

KOLOSIMEI 1:13

Kamyii teinii apum tiisii kalei kiteito mpounii nyiigo poi mpat- pyiisii mpounii hangkapii lungkasyii mpounah sapfii mpoumah sagong sazyii kikii pang gongkaipyii takle.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

KOLOSIMEI 2:15

Apum katii ninado teimaham hang krosh gamto ahnyii phyiiryiito Judiwosii mpounii madulapii ahnyiigo mangou pyiitakle.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

IPISAMEI 1:21

Teikito Kristanii Sating gam apum katiimei hang, teimaham kajum meihang, pumtei hang ninado Abangmei hang phyiiryiito apum tiisii leile; sazyii pouryii aito roisupii gongtang karam sazyii pouryiimah zeihang doito sagoi kaki zei tei mpou dato leile.

ROMMEI 8:38

Kadaponii Inii malumle katunii, katainiido karingniido, sating gam- luinado, apum katiimei niikado, aitoi tinglangmah niikado, natei gongtang karam mah niikado, teimaham niikado,

IPISAMEI 3:10

katunii, charsh paikito sating gam mah pum katiimei sateichii sating gam sazyii kito kalei teimaham hangnii Saraamah swirek kabi tei jai katham katham tiisii aitoi timatu tang karam jangpiile.

IPISAMEI 1:3

Nyii Bangpii Jisu Kristamah Saraa ninado pfii gotei tam matoileje! Kadapokii nyiinii Kristago nja kalu kito mpounii sating gam sazyii hang kito nyiigo rangiimah satoi pyiisii kalei teipii mpounii nyiigo satoi pyiibam takle.

1 KORENMEI 15:50

Inii gonyii dakii ai ai tam leile; kangsanamei: kangzai rou pungsii Saraamah sating sazyii kitei liitpeiwo lakle, sateichii gatu kabui teipiinii gatu kalaktei doupei wolakle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

HEBRUMEI 12:1

Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.

JONNII KARYII KABI RASAM JUKAMATI 14:30

Inii gonyiigo kaswisii karashii mathang wolak takle, dapodinchii sazyii pouryii mah apum katiipii tei gonglei takle, sateichii ahnii guphyiiryiito teimaham samah kado gale.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

JONNII KARYII KABI RASAM JUKAMATI 16:11

sateichii samtak katii mah kaang kito, sazyii pouryii aimah apum katiipii gotei samtak tii aitakle.

LUKNII KARYII KABI RASAM JUKAMATI 22:53

Inii gonyiigo Saraa Kamaning kilungto sating kata kaswisii kabam tinglang kak teinii gonyiinii gu gamkii bah kai- makle. Nlenii ai-ai gonyiinii tiitang karam tinglang ninado kamyii mah pumtei katii tinglangle.”

LUKNII KARYII KABI RASAM JUKAMATI 13:24

“Ki takam kamarumki teito tatliit tang karam jangpii tiigat tolo, kadapochiinii Inii gonyii dakii tam leile, mei hangkanii teiki tatliit tang karam jangpii tiitangle, nlenii liitpei lakle.

2 TIMOTHI 2:5

Pak kamaga katu ki haikalei nhok kamaga katumei hangninanii nhok mah ajai gotei swikasuta teinii mpounii alangh tei doupei wolakle.

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

HEBRUMEI 12:4

Kada- pokii gonyiinii kemgo saryii tiisii kalei kiteito joumang kalei gonyii mah zai katangpii gonyiinii nam womakle rei.

GALATIMEI 1:16

sa- teichii Inii luikakimei hang dakii mpoumah kaang kito kabi rasam tam ralipyii tang karam jangpii, mpounii mpounah sapfii mpou gotei gudakii mati mangou tang taklesii satto sek- kii, Inii pum ninado zaigo kaswisii rashii makle,

MARK 4:19

sazyii pouryiigo kamarei, kani kahiigo kamarei mei ninado kaki kaki kamaning kamarei tei liitsii kabi sam gotei tiimaga kaleimei teinii, atu tiirat teinii pokpat giitrangsii ati mati kasu takumle.

2 KORENMEI 11:14

Sateichii ai ai kamadat makle. Kadapokii seitan katangpiinado ah roinapiinii kavamah rakot hangniniimah jai reisii tiiwo leile.