IPISAMEI 6:11 - KARANU KABI SAMTAM

¹¹ Seitanmah achoi aru kashyii hang kiteito gonyiinii satto kabui jangpii, Saraamah saryiinat hangtei kai wolo.

IPISAMEI 6:11 Referans Kwoze

2 KORENMEI 10:4

Kadapokii nyiimah saryii baitui hangteinii pumzaimah makle, nlenii saryii kateibam hang go tiimashyii kabui kamatei pumtei tei leile.

ROMMEI 13:12

Tinghum tei tat tutakle, tingna tei nagong leitakle; teijangpiinii kamyii mah tha hangtei nyiinii rat toisii kava mah saryiinat tei kaiwode.

1 THESOLONIKAMEI 5:8

Nlenii nyiinii tingnamah katu taiswisii, nyiinii lung manoile sateichii kamalum ninado lungkasyiimah kokryii ninado keikapyii karing doutang karam ma- ning kamalum mah saryii phyiihung tei nyiinii kai wode.

IPISAMEI 6:13

Teijangpii kashyii ting- lang leimik tei gongchii gonyiinii satto kabui jangpii, sateichii matum madum tei tiisang takle sekchii sat tang karam jangpii, Saraamah saryiinat hangtei kai wolo.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

2 KORENMEI 2:11

Sara kashyiinii nyii phyiiryiito teimaham gamatu tang karam jangpii Inii ai ai tiile; kadapokii ahmah chem tei nyiinii tile.

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

ROMMEI 13:14

nlenii gonyiinii pei bakalei takumpii Jisu Kristago bawolo, sateichii apum azaimah kamaning kamarei tiitang karam jangpii tiikada sulo.

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

2 KORENMEI 6:7

Nyiimah kasang samtam teipii sateichii Saraamah samtam teipii nyiimah saryii baitui takumpii, meigo saryii tiitang karam ninado dangtang karam jangpii kasang kamajyii tei nyii dato bamle.

MATIMANGOU KAPYII 2:24

“Nlenii Thyatira kito mashaksii kalei, ralikapyii aigo poikasu seitanmah kamakum sam tikasumei gonyii dakii Inii tam leile, Inii gonyii phyiiryiikii kamaswi kaki hangninii kado kaipyii lakle.

IPISAMEI 4:24

Sateichii Saraamah njoi kasang kamajyii nina- do kamatei kito tiikabam kasataimei jailui tei gonyiinii kai wolo.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

MARK 13:22

Kadapokii Krista zei katiimei ninado Lungkakalingmei zei katii pat tangle, sateichii tiikabuinii, Saraanii kalei kalumei go katangdo chyiitatma tang karam jangpii tiikamangou ninado kamadat tha hangdo tiimangou tangle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

JEMS 4:7

Teijangpiinii gonyii roinapii gonyii Saraa dakii pyii ailo, Sara kashyii gotei saryii tiilo, teito ahnii gonyii dato pakga tangle.