IPISAMEI 5:6 - KARANU KABI SAMTAM

⁶ Kapang kamang sam hangteipii gonyiigo meikaniido chuisii tamsii hem maluwo sulo; kadapokii katam swikasumei hang phyiiryii Saraa mah rakarhii gongliit tang karam teinii ai kakum hang jangpii sekle.

IPISAMEI 5:6 Referans Kwoze

ROMMEI 1:18

Kadaponii malum kasumei sateichii kashyii kahong tha tiisii kasang go namsii kaleimeigo Saraa mah rakarhii tei sating gamto mangou pyiitakle.

METIU 24:4

Jisunii ahnyiigo khekalatle, mei kaniido gonyiigo chyiitatma matu kasu tiisii sakai wolo.

KOLOSIMEI 2:8

Krista dato supiinii meinahnii adoidoi tiisii ralikapyii kito kagong sateichii sating sazyiigo apum tiisii kalei rangii hang dato kagong meinah mah kakadak kasang kasu swirek teipii meikaniido gonyiigo apum tiimatu kasu tiisii gonyii juwolo.

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

KOLOSIMEI 3:6

Ai kakum jangpiinii katam swikasu meihang phyiiryiitei Saraamah ra- karhii gongle.

MARK 13:5

Teito Jisunii ahnyii dakii tamtu takle, “Mei kaniido gonyiigo chyii- tatma lak tang karam jangpii sakai wolo.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

1 PITAR 2:8

Sateichii kabi rasam kaki kito tamle, “Meigo pi pasui matutang karam kuitu, ahnyiigo tiikou tang karam kuitu kadi tei aile.” Ahnyiinii pi pasuile, dapokii ahnyiinii samtam tei swimakle; tei kakum tei ahnyii jangpii Saraanii reipii tiida kabam teile.

2 THESOLONIKAMEI 2:3

Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle.

KOLOSIMEI 2:4

Mei kaniido gonyiigo kasang kasu sam hang teipii choisii hem matu lak tang karam jangpii Inii ai ai tam leile.

MARK 13:22

Kadapokii Krista zei katiimei ninado Lungkakalingmei zei katii pat tangle, sateichii tiikabuinii, Saraanii kalei kalumei go katangdo chyiitatma tang karam jangpii tiikamangou ninado kamadat tha hangdo tiimangou tangle.

KOLOSIMEI 2:18

Mikpii meinii ngou kasu kangou hang jangpii sagoiki lesii tamsii kaleimei sateichii kasang kasu meinah mah jairali ninado sating gam rakot hang go matalosii tamsii kaleimei kata hangninii kaniido gonyiigo tiimaga malei sulo; tei kakum mei teinii meinahnii swi maning kalei mpoumah kamaning hangteipii magat totakle.

HEBRUMEI 3:19

Teipiinii malum kasu jangpii ahnyiinii ntakbam kitei liitpei wolak kiile katu nyiinii ngoule.

HEBRUMEI 13:9

Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.