IPISAMEI 5:3 - KARANU KABI SAMTAM

³ Gonyii ai Saraago kamalum mei katu taiswisii, sapwimei sapfiimei mah kashyii kahong tha katii, mak-kii matei kasu, mak-kii lukanyii mah samlat katangdo tamlak tang karamle.

IPISAMEI 5:3 Referans Kwoze

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

IPISAMEI 5:5

Gonyiinii ai tigat tolo, katunii kashyii kahong tha katiimei, matei kasu, mak-kii lukanyii... (kadapokii lukanyii ai tingtugo kariita hang- niniile) mei teinii Saraamah ninado Kristamah sagong sazyii kiteito njai dousang doulakle.

1 THESOLONIKAMEI 4:3

Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

1 KORENMEI 6:18

Sapwimei sapfiimei kashyii kahong tha katii kito pakpat wolo. Meinahnii katii kem hangtei pumpou tole; nlenii sapwimei sapfiimei kashyii kahong tha katii ah teinii ahroinapii ah pumpotgo mazhii kasu tiisii kem tiile.

1 THESOLONIKAMEI 4:7

Kadapokii Saraanii nyiigo kashyii kahong kito lung matu tang karam jangpii latmakle, nlenii kamatei kito lung matu tang karam jangpii latle.

1 KORENMEI 6:13

Mei kangkanii tam tangle, “Chiitak ainii moi jangpiile, sateichii moi ainii chiitak jangpiile.” Nle kasangle, nlenii hangna gotei Saraanii tiimaga tangle. Apum ainii sapwimei sapfiimei kashyii kahong tha tiitang karam jangpiinii makle, nlenii Bang- piigo nga ngatang karam jangpiile; sateichii Bangpiinii pumpot jangpii pyiichiile.

IPISAMEI 5:12

Kadapokii ahnyiinii makumpii tiikalei tha hangtei tam mpat tang karam katangpiinado nroule.

METIU 15:19

Kadapokii lungchui kashyii, meigo kagi, meinou meinah- go kashyii katii, kashyii kahong tha katii, kachui, kasang kasu sakchyii katii, meisam tam kamashyii ai lung kito patle.

MATIMANGOU KAPYII 2:21

Sateichii mpoupeinii lungkali matutang karam jangpii Inii mpoupei dakii tinglang pyiitakle, nlenii mpoupeinii sapwimei sapfii- mei kashyii kahong tha katii kiteito mpoupeinii lung kalinyii makle.

1 KORENMEI 10:8

Sateichii ahnyii kangkanii sapwi- mei sapfiimei kashyii kahong tha katii jangpii mei thang makaisii tumkhii leimik hangninii kikii tai kalei takumpii, nyiinii sapwimei sapfiimei kashyii kahong tha tei tiisude.

MATIMANGOU KAPYII 22:15

Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

MATIMANGOU KAPYII 2:14

Nlenii go phyiiryiikii Inii mazhii karou chengniikii leile: gonyii kak kito mei kangkii Balam mah karali taiswisii, tingtu paramgo pyiitoi kalei chiitak tei ahnyiinii chiimatu tang karam jangpii sateichii sapwimei sapfiimei kashyii kahong tha tiimatu tang karam jangpii Isrelmeinah doikii sadoi kashyii ai kai matutang karam jangpii Balakgo ralipyii takle.

1 KORENMEI 5:1

Gonyii kak kito sapwimei sa- pfiimei kashyii kahong tha katii lei lesii tiigatpii nha tei tam takle, sateichii ai kakum sapwimei sapfii- mei kashyii kahong tha katii ai lui kakimei kak kitodo gale, kadapokii kangkii sapfiimei hangninanii mpou pfii nougo kaswisii zyii sii leitak lesii n-gu tam takle,

MATIMANGOU KAPYII 9:21

mak-kii ahnyiinii meigo kagi kito, ashoi kajum kito, sapwimei sapfiimei kashyii kahong tha katii kito, mak-kii mah karaga kito ahnyiinii lung kalimakle.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

HEBRUMEI 12:16

Sateichii mei kaniido sapwi- mei sapfiimei kashyii kahong tha katii, mak-kii mpou nah katingpiinii doukamajyii tei malot hangniniipii joitoi kalei, Isau takumpii matei kasu mei tei gamatu tang karam jangpii tiigatpii juwolo.

2 KORENMEI 12:21

Inii nlaikai gong katu tinglang kak, gu Saraanii gonyii doito n-gu tii-nrou- pyii loisii, asung kareiki kem tiisii ahnyiinii tiikabam, matei kasu, kashyii kahong tha katii sateichii sapwimei sapfiimei kashyii kahong tha katii kito lungkali kasu ahnyiihang jangpii Inii lung magesii hat tang karam tei Inii hingle.

TAITAS 2:3

Teitakumpii sapwimei katingmei teinii ahnyii mah jairali kito sadzyii ngariit tiikabui, samlat kashyii tam kasu, mak-kii joumah kikabang tiisupii, kamatei tiilung lungkalei sapwimei takumpii lunglo, katupii ahnyiigo tam ralipyiilo, ahnyiinii kadapei bipo katu tei tam ralipyii tang karamle.

2 TIMOTHI 3:2

kadapokii meinahnii mpouroipii mpougo lungkasyii, sanahgo kamarei, palhii kadi, det kadi, meigo kalet kalou katii, pwi pfiinii katam swikasu, tiikapyii mai tikasu, mateikasu.

TIILAMLWI KAPYIIMEI THA JUKAMATI 15:20

Nlenii ahnyiinii tingtugo pyiikatoi matei kasu pot tei chiilak tang karam jangpii; ahnyiinii masung mahalak tang karam jangpii, sateichii zai mpat supiinii tiitat kalei kounah ninado ajai kachii aihangki aito mpat tang karam jangpii nyiinii ahnyii dakii ryiile.

2 PITAR 2:14

Ahnyiinii meinou meinahgo ma- shung maha kanyiimah mikjot teipii tokryiile, sateichii mik tei kem kito shaatsang shaat makle. Ahnyiinii kasui rangiigo mphee kikii chyiikaile, ahnyii lung tei lukanyii teinii apum tiiwo takle; ahnyii teinii Saraanii sheeng kalei nahmei teile.

2 PITAR 2:10

(a) Routiisii matei kasu pumzaimah kamarei ka-ntha mah tha hang tiisii kaleimei ninado Saraamah teimaham go maning kamajaangmei jangpiile. (10b) Ai kasang kasu ralikapyiimei hang teinii lungdile sateichii detdile, ahnyiinii sagoi gamto kalei pumtei kava kadi hang gotei tam mashyii hingmakle;

1 PITAR 5:2

Tiirou tiirousii katii teipii supiinii, tiinyii tiinyiisii katii teipii sateichii seh sanahgo lunyii supii lung liitsii, gonyii kak kito kalei Saraamah Jaokoi gotei jumatou pyiilo;

TAITAS 1:11

ahnyii mwi tei makat tang karamle, dapokii ahnyiinii seh sanah lukanyii jangpii ahnyiinii tamlak tang karam sam tei tam ralipyiisii, ki kalung mpung hang go tiipaksii leitakle.

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

1 TIMOTHI 3:3

ahnii jou kapanhii, mak-kii n-girazyii tiikasu, nlenii kamanoi kamajung sa- teichii sanahgo marei kasumei tang karamle.

1 TIMOTHI 2:10

Kanat kabi pwilesii tam kalei sapwimei jangpii ai ai tiimajyiile.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

ROMMEI 16:2

sateichii mpoupeinii gonyii dato mpoupei jangpii bitang karam tha tiikaha kata kara khang- leponii, gonyiinii mpoupeigo tiihalo, kadapochiinii mpoupei ai meihangkii jangpii sateichii gujangpiinado tiihasii kalei mei hangniniile.

ROMMEI 6:13

sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.

ROMMEI 1:29

Ahnyii teinii kashyii kahong, ajaitingshang kashyii, lukanyii, kamaimhii, kama- lung piinii katokryii, meigo kagi, n-girazyiipii, kachuipii, kakaloupii, kasampeipii.

TIILAMLWI KAPYIIMEI THA JUKAMATI 20:33

Inii mei- mah kado seh sana mak-kii peimani lukanyii tei tiimakle.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

1 TIMOTHI 6:10

Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.

LUKNII KARYII KABI RASAM JUKAMATI 12:15

Teito Mpounii ahnyii dakii tamle, “Sakai wolo, kadapochiinii meinah mah karing tiilung tei mpoumah mahbam kamoi kitei bam makle.”