IPISAMEI 5:25 - KARANU KABI SAMTAM

²⁵ Kristanii Charshgo lungkasyii ninado mpoupei jangpii mpoumah karing tiilung kapyii takumpiinii, naamei, gonyii noumeigo gonyiinii lungsyiilo.

IPISAMEI 5:25 Referans Kwoze

1 PITAR 3:7

Tei takumpii gonyii naamei, gonyii noumei ai kisii kasui pumle katu tei tiigatpii tikasei tei njasii gonyii noumeigo kaswisii lung tang karamle. Ahnyiigo sadzyii ngariit tii- sii jupyiilo, dapokii gonyiigo kaswisii, ahnyiiniido Saraanii matapii kapyii kalui kaga karing tiilung tei doutangle. Gonyiimah kariita hang kito mah kado doidang matulak tang karam jangpii ai ai tiilo.

KOLOSIMEI 3:19

Naamei, Gonyii noumeigo lung- syiilo, sateichii ahnyii phyiiryiito kakaa tei tiisei sulo.

IPISAMEI 5:28

Ahnyiinii ahnyii pumgo lungkasyii takumpii, sapfii- meinii ahnyii noumeigo lungsyii tang karamle. Mpou nougo lungkasyii sapfii mpou teinii mpou roinapii mpougo lungsyiile.

IPISAMEI 5:33

Nlenii samkang hang ai gonyii godo tam leile: Mpou roinapii mpougo lungkasyii takumpii naamei hangnii mpou mpou noumeigo lung- syii tang karamle; sateichii noumei hangnii mpou mpoupei mah naameigo sadzyii ngariit tiitang karamle.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

IPISAMEI 5:24

Charshnii Krista kang ka-nkang takumpii, noumeiniido mahlyii hang kito ahnyii naamei kang nkang matulo.