IPISAMEI 5:23 - KARANU KABI SAMTAM

²³ Kadapokii Kristanii Charsh phyiiryii kasat takumpii naameinii noumei phyiiryii satle, sateichii Kristanii mpou pum Char- shgo keikapyiipii teile.

IPISAMEI 5:23 Referans Kwoze

KOLOSIMEI 1:18

Sateichii mpounii pum mah, katunii charshmah phyii kasat teile, mpounii mahlyii- hang kito abam karei tei doumatu tang karam jangpii mpounii kahao, ninado kataimeihang kak kito ring- khii karei manaa karei Nah sapfii mpou teile.

IPISAMEI 4:15

Nlenii lungkasyii kito kasangtei tamsii, aphyii kasat tiisii kalei, Krista dato nyiinii, mahlyii hang kito lungkhii tang karamle.

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

1 KORENMEI 6:13

Mei kangkanii tam tangle, “Chiitak ainii moi jangpiile, sateichii moi ainii chiitak jangpiile.” Nle kasangle, nlenii hangna gotei Saraanii tiimaga tangle. Apum ainii sapwimei sapfiimei kashyii kahong tha tiitang karam jangpiinii makle, nlenii Bang- piigo nga ngatang karam jangpiile; sateichii Bangpiinii pumpot jangpii pyiichiile.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

IPISAMEI 5:24

Charshnii Krista kang ka-nkang takumpii, noumeiniido mahlyii hang kito ahnyii naamei kang nkang matulo.

MATIMANGOU KAPYII 19:7

Nyiinii nta rangade sateichii Ahgo tam matoide. Kadapokii Jaonah mah myiikapang tinglang tei gong takle, sateichii mpoumah amyiipeipwi teinii mpoupei roinapii tiikada wotakle;