IPISAMEI 5:2 - KARANU KABI SAMTAM

² Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

IPISAMEI 5:2 Referans Kwoze

JONNII KARYII KABI RASAM JUKAMATI 13:34

Karanu kakhatsam hangninii Inii gonyii dakii pyii leile, ‘gonyii hangninanii hangniniigo kalungsyiilo.’

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

KOLOSIMEI 3:14

Sateichii aihang phyiiryiikii sajek gasii mahlyiihang go jum njapyiisii kalei lungkasyii tei nat kaikalei takumpii kai wolo.

2 KORENMEI 2:15

Kadapokii keikapyii doutang karam pwidi kito kaleimei ninado taitang karam pwidi kito kalei mei kak kito nyiinii Kristanii Saraago kat kalei manam kabi tiiroutou kai takumle.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

1 KORENMEI 16:14

Gonyiinii katii hangtei lungkasyii kito tiilo.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

1 JON 3:16

Aipii nyiinii lungkasyii tei tile, ka- tunii, mpounii nyii jangpii mpoumah karing tei pyiitakle, sateichii nyiiniido nyii kangsanamei jangpii nyiimah karing tei pyiitang karamle!

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

IPISAMEI 4:15

Nlenii lungkasyii kito kasangtei tamsii, aphyii kasat tiisii kalei, Krista dato nyiinii, mahlyii hang kito lungkhii tang karamle.

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

1 THESOLONIKAMEI 4:9

Gonyii kangsanameigo kalungsyii matutang karam mah kaang kito mei kaniido gonyii dakii ryiitang karam kabi tei gale. Kadapokii hangninanii hangniniigo kada takumpii kalung- syii tangpo katu tei gonyiigo Saraanii ralipyii takle.

IPISAMEI 4:2

Tinglang kaleita lung sanalo, manoilo, sateichii lung leh tilo. Hangninanii hangniniigo lung leh kati teipii kaswisii gonyiimah lungkasyii tei mangoulo.

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

HEBRUMEI 9:23

Teijangpii sating gam mah mah hang mah njai poisii kalei hang go kanat aihang piinii tiimatei tang karam sekle, nlenii sating gam mah mah hang teinii aisung kisii kabi kakarat hangtei liit tangle.

IPISAMEI 3:19

sateichii meinah swipii tipei kalak Kristamah lungkasyii tei tikabui jangpii, katunii Saraamah katokryii hang teipii gonyiinii tokryii matu tang karam jangpii, Inii khangleile.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

IPISAMEI 5:25

Kristanii Charshgo lungkasyii ninado mpoupei jangpii mpoumah karing tiilung kapyii takumpiinii, naamei, gonyii noumeigo gonyiinii lungsyiilo.

1 KORENMEI 5:7

Gonyii ahee hai kasu takumpii, gonyii athom kasatai tiiwo tang karam jangpii, ahee kaham tei tiimatei sagai ailo, kadapodinchii nyiimah Jehudimei mah kaakamaju hang-ngi mah jaonah, Kristago karat aitakle.

ROMMEI 4:25

Jisu go nyii kem jangpii gitoi takle, sateichii nyiigo tiimajyii pyii tang karam jangpii tiimaring pyii takle.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

ROMMEI 8:37

Teitii kido akaang aihang kito nyiigo lungsyii kapyiipii paito nyiinii kangam kito kisii kangam teile.

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

IPISAMEI 5:15

Teipiinii gonyiinii lungkalei tiilung tei machyiigat wolo, kapang kamangmei takumpiinii lung sulo; nlenii kasakaimei takumpiinii lunglo.

PILIPIMEI 4:18

Inii dou lahok takle, sateichii teitei moipou moiju takle, gonyiinii mpot kamagong mah pot hangtei keirum kabi, Saraanii lukasei ninado dzyii karanga kakarat pyiikatoi pot tiisii, Ipaproditas bah lungto dou wosii I-tokryii takle.

HEBRUMEI 8:3

Kadapokii kanat kajum tingdi- mei hang gotei kapyii ninado kouring karat matu tang karam jangpii bam kaipyii bamle; teijangpii kanat kajum tingdipii ainiido mah pyiitoi tang karam tei bam tang karamle.