IPISAMEI 5:15 - KARANU KABI SAMTAM

¹⁵ Teipiinii gonyiinii lungkalei tiilung tei machyiigat wolo, kapang kamangmei takumpiinii lung sulo; nlenii kasakaimei takumpiinii lunglo.

IPISAMEI 5:15 Referans Kwoze

KOLOSIMEI 4:5

Gonyiinii tinglang kabi kadouta tei jum matousii, sabato kaleimei dateito gonyiinii sakaisii tatlo.

JEMS 3:13

Gonyii kak kito kasakai satei- chii kati tei tapo? Swirek kabimah kamanoi teipii, ahmah kabi tiilung kalung teipii, ahmah thalyii hangtei ahnii mangou matulo.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

1 KORENMEI 14:20

Kangsanamei, swi kamaning kito nahmei takum supii, kashyii kito nahmei takumpii leilo. Nlenii swi kamaning kito katingmei takumlo.

1 TIMOTHI 6:9

Nlenii mahni kanyii- mei hangteinii kahem ki, mphee ki, kapang kamang hangki, sateichii meigo deng mashyii tang karam pumzai mah kamarei ka-ntha hang kitei takliitle, ai kakum ainii meinahgo tiikamaga ninado tiikakou kikii chyiikai matule.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

METIU 10:16

“Julo, Inii gonyiigo Sanyii kak kikii Jaonah takumpii lang mpat leile. Teijangpii gonyiinii Sanhii takumpii sakailo, sateichii mahou takumpiinii lung manoilo.

1 THESOLONIKAMEI 5:15

Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.

LUKNII KARYII KABI RASAM JUKAMATI 24:25

Teito mpounii mpoupiina dakii tamle, “Oh kapangmei, ninado lungkakalingmeinii katam sam gotei malum kalang kasumei!

GALATIMEI 3:3

Gonyii teiziikapii pang takpo? Rangiipanii tiimakhiibam sanii, pum zai teipii aitoinii gonyii tiimashang leitakpo?

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!

METIU 27:24

Teipiinii Pailatnii mahkado kabi dousutakle, nlenii meimoi teinii khoi nrung moi kapat tei ngou wosek- kii, mpounii dwi poisii meihang doi- teito bah baitek aisii tamle, “Kasang kamajyii mei aipou zai mah kaang kito gumah kama gale, gonyiinii gonyii roinapii rashii matou wolo!”

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

METIU 8:4

Teito Jisunii mpou dakii tamle, “Nang meidakado tam mpat sulo; nlenii tat tulo Atingmei dakii maasii gopum tei mangou ailo, sateichii ahnyii dakii sakchyii pyiitang karam jangpii, Moses mah ajaitingshang taiswisii karat tang karam pot tei pyiitoi ailo.”

IPISAMEI 5:33

Nlenii samkang hang ai gonyii godo tam leile: Mpou roinapii mpougo lungkasyii takumpii naamei hangnii mpou mpou noumeigo lung- syii tang karamle; sateichii noumei hangnii mpou mpoupei mah naameigo sadzyii ngariit tiitang karamle.

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.

GALATIMEI 3:1

Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo?

METIU 27:4

“Inii kama kagamei zai gotei schoi-choikakai kito Inii kem tii aitakle.” Ahnyiinii tamle, “Teinii nyii timakle, teinii nangroinapii jumatou wolo.”

METIU 25:2

Ahnyii mangiinii swikaga meile sateichii mangiinii kasakai- meile.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.