IPISAMEI 5:11 - KARANU KABI SAMTAM

¹¹ Sateichii riiti mati kasu kamyii- mah tha hang kiteito njai poihai sulo, nlenii teitungpii kama tei laat mpat matulo.

IPISAMEI 5:11 Referans Kwoze

ROMMEI 13:12

Tinghum tei tat tutakle, tingna tei nagong leitakle; teijangpiinii kamyii mah tha hangtei nyiinii rat toisii kava mah saryiinat tei kaiwode.

1 TIMOTHI 5:20

Mei kakimeiniido hing kabui tiisii, kem tiikalei katingmei gotei meihang doito duilo.

2 THESOLONIKAMEI 3:6

Sateichii kangsanamei, nyiinii gonyiigo Bangpii Jisu Krista zei kito kakhat leile, katunii, mahat kashyii tiilung lungsii kalei ninado gonyiinii nyii dato doukalu tam ralipyii kabam hang taiswi kasumei dateito mpaa wolo.

ROMMEI 16:17

Kangsanamei, Inii gonyii dato khangleile, gonyiinii doukalu samtam gotei kaswisupii malatpii tiikapak tiikapang katii sateichii sadoi ka- shyii tiikakai ahnyii gotei ju tiwolo, sateichii ahnyii dateito mpaa wolo.

MATIMANGOU KAPYII 18:4

“Sateichii sating gamto kaki rok hangninanii aitiisii katam Inii shiile, he gumeihang, gonyiinii mpoupeimah kem tei njai poi njoi kasu tiisii ninado mpoupeimah sararahum mah njai tei dou njoi kasu tiisii mpoupei dateito pat tolo;

TAITAS 2:15

Aihang ai saa mpat pyiilo; n-go shiisii kaleimei hang go teimaham hang teipii kaswisii lung tiimadi pyiilo, ninado n-gipyiilo. Mei hang- ninii kaniido n-go maning majang matu sulo.

2 THESOLONIKAMEI 3:14

sateichii mei kata hangninanii nyiimah chiti ailung kikii ryii kabam aigo swisu leponii, teimei gotei jutiwolo, sateichii mpounii nrou matu tang karam jangpii gonyiinii mpougo nja sulo.

ROMMEI 6:21

Nlenii aitoinii gonyiinii ka-nrou tha tiikalei hang kiteito gonyiinii kadapei liipat dou wopo? Teihang mah kito doukalu teinii katai teile.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

2 TIMOTHI 3:5

Saraago kamaning jai kapoi, nlenii teimah teimahamgo mazhii kasu, tei kakum meihang dateito nlek wolo.

GALATIMEI 6:8

Kadapokii mpou pum mpou zai sek kikii ralyii kakai mei teinii pumzai kiteito kaga tei rachet tangle, nlenii rangii kikii ralyii kakaimei teinii rangii kiteito kalui kaga karing tei rachet tangle.

1 THESOLONIKAMEI 5:7

Kadapokii zyii kaleimei teinii tinghum zyii leile, sateichii jou kapanhiimei teinii tinghum panhii leile.

LUKNII KARYII KABI RASAM JUKAMATI 3:19

Nlenii Jon-nii Herotgo n-gile, kadapokii mpounii mpou taikarhiipii nou Herodias go manou kalu jangpii sateichii kaki kaki kashyii kahong tha katii jangpii,

IPISAMEI 5:7

Teijangpii gonyiinii ahnyiigo nja sulo.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

METIU 18:15

“Gosanapiinii go phyiiryiito tiima aileponii mpouda maasanii mpoumah tiikama tei mangoulo, nlenii gonei hangna roina kalei kak kito makumpii tiilo, nangnii katam tei mpounii shiileponii, nangnii gosa- napii gotei douloi wotakle.

1 TIMOTHI 6:5

sateichii swikaga sateichii kasang kagamei dato tak supii kazyii katu hang ai pung gongle. Dormo ai mahni tang karam pwidilesii ahnyiinii maningle.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

IPISAMEI 5:12

Kadapokii ahnyiinii makumpii tiikalei tha hangtei tam mpat tang karam katangpiinado nroule.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

1 TIMOTHI 5:22

Mei hangninii phyiiryii kado kalangsii bah poikaipyii sulo, mei kakimeimah kem hangmah njai teido dou njoisulo, go roinapii n-go matei sageisii mbamlo.