IPISAMEI 4:6 - KARANU KABI SAMTAM

⁶ mahlyiihang kito tha tiisii kalei, mahlyii hang mah Bangpii, meilui kalung hang mah Pfii sateichii Saraa hangninii leile.

IPISAMEI 4:6 Referans Kwoze

ROMMEI 11:36

Kadapokii Saraanii amahlyii hang tiipyiile, sateichii amahlyiihang ai mpou dato sateichii mpou paito sateichii mpou jangpii ring leile. Saraago kalui gasii tam matoi matulo. Amen.

1 KORENMEI 8:6

nyiijangpiinii Saraa hangninii, katunii, Apfii tei leile; mpou dato mahlyii hang patle, sateichii nyiinii mpou jangpii ring leile, sateichii Bangpii hangninii katunii, Jisu Krista tei leile; mpou paikito mahlyiihangdo nyiihangdo ring leile.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

1 JON 3:24

Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

METIU 6:9

“Teipiinii gonyiinii aitiisii riitalo: ‘Sating gamto kalei nyii Pfii, Go zei kamatei tei matulo;

2 KORENMEI 6:16

Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”

1 KORENMEI 12:6

Tha tiikabui mah pumtei katha katham leile, nlenii Saraa hangninanii meihang go mpou mpou mah tha tiikabui pumtei tei pyiile.

IPISAMEI 6:23

Kamalum tei njasii kamajung ninado lungkasyii tei Lungkasyii kangsanamei hang dakii Pfii Saraa ninado Jisu Kristanii pyii matulo.

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

IPISAMEI 2:22

Mpougo njasii hangninii tiikalu kito Saraanii mpoumah rangii paikito lungsii kalei bam hangninii ki teikii mei kakimei hang go kaswisii gonyii godo tiimakhiibam takle.

JONNII KARYII KABI RASAM JUKAMATI 17:26

Nangnii n-gu lungsyii katu mah lungkasyii tei ahnyii dato leimatu tang karam jangpii sateichii Inii ahnyii dato leimatu tang karam jangpii, Inii ahnyii dakii go zei tei tam matitakle, sateichii teitei Inii tam mati tangle.”

JONNII KARYII KABI RASAM JUKAMATI 14:23

Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

IPISAMEI 1:21

Teikito Kristanii Sating gam apum katiimei hang, teimaham kajum meihang, pumtei hang ninado Abangmei hang phyiiryiito apum tiisii leile; sazyii pouryii aito roisupii gongtang karam sazyii pouryiimah zeihang doito sagoi kaki zei tei mpou dato leile.